Qazaqstan men Ispanııa sý ınfraqurylymyn salý jáne maman daıarlaý baǵytynda yntymaqtastyq ornatýǵa daıyn

<p>ASTANA. KAZINFORM &ndash; Sý resýrstary jáne ırrıgatsııa mınıstri Nurjan Nurjigitov Ispanııanyń 1000&ndash;nan astam qurylys kompanııalaryn biriktiretin Ispan ónerkásiptik ınjenerler qaýymdastyǵynyń ókilderimen kezdesti. Taraptar sý ınfraqurylymyn salý jáne kadr daıarlaýda yntymaqtastyq múmkindikterin talqylady. Bul týraly vedomstvonyń baspasóz qyzmeti málim etti.</p>

Sheteldik delegatsııa mınıstrge Ispanııada jáne basqa memleketterde júzege asyrylǵan iri jobalar týraly aıtty. Ónerkásiptik ınjenerler qaýymdastyǵy ókilderiniń aıtýynsha, ıspandyq qurylys kompanııalary Qazaqstannyń sý sharýashylyǵy nysandarynda jumys isteýge nıetti. Sonymen qatar, sheteldikter sala mamandarynyń biliktiligin arttyrý boıynsha da qoldaý kórsetýge daıyn ekendikterin bildirdi.

Foto: Sý resýrstary jáne ırrıgatsııa mınıstrligi

«Búgingi tańda ıspandyq kompanııalarmen jerasty sýlaryn barlaý jáne zertteý máselesin pysyqtap jatyrmyz. Bizge ıspan ınjenerleriniń tájirıbesi, sonymen qatar birlesip maman daıarlaý múmkindigi qyzyq», - dedi Sý resýrstary jáne ırrıgatsııa mınıstri Nurjan Nurjigitov.

Eske sala keteıik, buǵan deıin jaqynda Qazaqstan men Qytaı transshekaralyq sý resýrstaryn bólý kelisimin bekitýi múmkin ekenin jazǵan bolatynbyz.