Qazaqstan men Ispanııa arasyndaǵy saıası konsýltatsııa Madrıdte jalǵasady
Aıta keterligi, búgin elordada Qazaqstan Syrtqy ister mınıstrligi men Ispanııa Koroldigi Syrtqy ister, Eýropalyq odaq jáne yntymaqtastyq mınıstrligi arasynda saıası konsýltatsııalardyń 6-raýndy ótip jatyr.
«Biz qarym-qatynastarymyzdy barynsha damytyp, durys jolǵa túsire aldyq. Osy rette QR Premer-Mınıstriniń orynbasary - Syrtqy ister mınıstrin Ispanııaǵa saparmen kelýge shaqyramyn jáne jaz aıynda ol sapardyń oryn alaryna úmittenemin. Sol kezde búgingi talqylaýlarymyzdy, ekijaqty qarym-qatynastyń ózge de máselelerin talqyǵa salar edik», - dedi ol saıası konsýltatsııalar aıasynda BAQ ókilderine arnalǵan baspasóz máslıhaty barysynda.
Sonymen qatar Qazaqstanda ıspan ınvestıtsııa salynǵan kóptegen kásiporyn jumys isteıtindigin ekijaqty saýda-sattyq da jasqy damyǵandyǵyn atap ótti.
«Ispanııa Qazaqstannyń senimdi saýda seriktesteriniń biri sanalady jáne aldaǵy ýaqytta da osy qarym-qatynasymyzdyń óristeı túsetindigine senim artamyz. Buǵan qosa, búgingi konsýltatsııalar barysynda Qazaqstan men Eýropalyq odaq arasyndaǵy qarym-qatynasty da talqyǵa salamyz. Bul oraıda Qazaqstannyń EO-men qarym-qatynasty tereńdetý ustanymyna qoldaý bildiremiz», - dedi Krıstına Gaıak.