Qazaqstan men Ispanııa arasynda tikeleı áýe reısi qashan ashylady
Qazaqstan Syrtqy ister mınıstrligi men Ispanııa Koroldigi Syrtqy ister, Eýropalyq odaq jáne yntymaqtastyq mınıstrligi arasyndaǵy saıası konsýltatsııalardyń 6-raýndy aıasynda uıymdastyrylǵan baspasóz máslıhaty barysynda BAQ ókilderi Erlan Álimbaevtan eki el arasynda tikeleı áýe reısi qashan ashylatyndyǵyn suraǵan edi.
«Búgin bul másele de talqyǵa tústi. Pandemııaǵa deıin mundaı ýaǵdalastyq bolǵan jáne memorandýmǵa qol qoıylǵan edi. Qazir áýe qatynasy týraly úkimetaralyq kelisimniń mátinin kelisý jaıy qozǵalyp jatyr. Degenmen, ýaǵdalastyqta aptasyna jeti turaqty reısti jolǵa qoıý kózdelgen edi. Biraq, oǵan myna pandemııa óz túzetýin engizip otyr. Bizde, sonymen qatar Ispanııada epıdemıologııalyq ahýaldyń jaqsarýyna qaraı, shamamen tamyz-qyrkúıek aılarynda osy áýe reısterin ashýdyń belsendi fazasyna kóshemiz dep úmittenemin», - dedi QR Syrtqy ister mınıstriniń orynbasary.