Qazaqstan men Ispanııa arasynda saıası konsýltatsııalar ótýde
«Ispanııa Qazaqstan úshin mańyzdy eýropalyq áriptes sanalady jáne biz bul elmen qarym-qatynastardyń stratagııalyq áriptestik rýhynda damyp jatqandyǵyn qýanyshpen aıtqymyz keledi. 2009 jyly qol qoıylǵan strategııalyq áriptestik týraly kelisim búgingi kelissózderdiń qorytyndysy boıynsha aldaǵy jyly taǵy qarastyrylyp, jańa deńgeıge kóteriledi degen senimdemiz. Búgingi konsýltatsııalar Ispanııamen saıası, saýda-ekonomıkalyq jáne mádenı-gýmanıtarlyq yntymaqtastyqty alǵanda barlyq máselelerdi qamtıdy deýge bolady. Olar boıynsha ustanymdarymyzdy, pikirlerimizdi ortaǵa salýǵa múmkindik týdy», - dedi konsýltatsııalar aıasynda BAQ ókilderine suhbat bergen QR Syrty ister mınıstriniń orynbasary Erlan Álimbaev.
Onyń atap ótýinshe, konsýltatsııalar barysynda ıspan tarapymen halyqaralyq uıymdarda jáne BUU, EO, EQYU aıasynda ózara is-qımyl máselesi qozǵalyp, bir-biriniń kandıdatýralaryn qoldaý boıynsha pikir almasylǵan.
«Kelissózderdiń qorytyndysy boıynsha ekijaqty eń joǵary deńgeıdegi saparlardy jandandyryp, parlamentaralyq baılanystardy damytýǵa sharttyq-quqyqtyq bazany keńeıtý jaıy qozǵaldy. Sondaı-aq saýda-ekonomıkalyq jáne ınvestıtsııalyq baılanystardy tereńdetip, eki memlekettiń mádenı baılanystaryn nyǵaıtý jónindegi aldaǵy is-sharalar belgilendi», - dedi ol.
Aıta keterligi, saıası konsýltatsııalar aldynda ıspandyq delegatsııany bastap kelgen Ispanııa Koroldigi Syrtqy ister, Eýropalyq odaq jáne yntymaqtastyq mınıstrliginiń memlekettik hatshysy Krıstına Gaıakty QR Premer-Mınıstriniń orynbasary – QR Syrtqy ister mınıstri Muhtar Tileýberdi qabyldady.