Qazaqstan men Iran SІM basshylary telefon arqyly sóılesti
20:45, 05 Qańtar 2020
NUR-SULTAN. QazAqparat - Qazaqstan men Iran SІM basshylary telefon arqyly sóılesti, dep habarlaıdy QazAqparat QR SІM baspasóz qyzmetine silteme jasap.
2020 jylǵy 5 qańtarda Iran tarapynyń bastamasymen Qazaqstan Respýblıkasynyń Syrtqy ister mınıstri Muhtar Tileýberdi Iran Islam Respýblıkasynyń Syrtqy ister mınıstri Mohammad Djavad Zarıfpen telefon arqyly sóılesti.
«Iran SІM basshysy Taıaý Shyǵystaǵy aǵymdaǵy ahýal týraly habardar etti.
Mınıstr M. Tileýberdi óńirdegi jaǵdaıdyń shıelenisýine alańdaýshylyq bildirdi. Ol barlyq taraptardy shıelenistiń odan ári ýshyǵýyn boldyrmaý úshin ustamdylyq tanytýǵa jáne janjaldy sheshýdiń saıası-dıplomatııalyq joldaryn izdeýge shaqyrdy», delingen habarlamada.