Qazaqstan men Iran dıplomatııalyq qatynasyna 27 jyl: Tarıhı sýretter Ulttyq mýzeıge qoıyldy
Fotokórme Irannyń IRNA aqparattyq agenttigi men QazAqparat halyqaralyq aqparat agengttiginiń áriptestigimen jáne QR Ulttyq mýzeıiniń qoldaýymen uıymdastyrylǵan. Ony 2019 jyldyń 12-15 naýryzynda QR Ulttyq mýzeıinde tamashalaýǵa bolady.
«1992 jyldyń 29 qańtarynda Iran Islam Respýblıkasy men Qazaqstan Respýblıkasy arasynda dıplomatııalyq baılanystyń ornaýy - shyn máninde kóptegen ǵasyrlar boıy ırandyqtar men qazaqtar arasynda bolǵan qarym-qatynasty qaıta jańǵyrtý. ıAǵnı, eki el arasyndaǵy dıplomatııalyq baılanystyń ornaýy - ejelden kele jatqan, tek keıbir kezeńderde báseńdep qalǵan baıyrǵy baılanystardy qaıta jańǵyrtý desek te bolady. 1990 jyly Keńes respýblıkalarynda bastalǵan ózgeristermen birge, osy baılanysty qalpyna keltirýge múmkindik týdy. 1990 jyldyń qarasha aıynda Qazaqstan táýelsizdigi jarııalanbaı turyp, Irannyń sol kezdegi Syrtqy ister mınıstri Almatyǵa saparmen baryp, Qazaqstan bıligimen kezdesýde Irannyń Qazaqstan táýelsizdigin resmı taný nıetin jetkizdi. 1991 jyldyń 16 jeltoqsanynda Qazaqstan Respýblıkasy táýelsizdigin jarııalaǵan soń Iran Islam Respýblıkasy el táýelsizdigin resmı tanyp, Almaty qalasynda óz elshiligin ashty», - dedi Iran Islam Respýblıkasynyń Qazaqstandaǵy Tótenshe jáne ókiletti elshisi Madjıd Samadzade Saber fotokórmeniń ashylý saltanatynda.
Elshi fotokórmede eki eldiń qarym-qatynasynyń mańyzdy oqıǵalary qamtylǵanyn jáne Qazaqstan men Iran dıplomatııasynyń 27 jyldyq tarıhynyń kórnekti dereknamasy ekenin jetkizdi.
«Kórme Qazaqstan men Iran Islam Respýblıkasynyń tyǵyz qarym-qatynasynyń bir kórinisi. Iran Islam Respýblıkasy elimizdiń táýelsizdigin moıyndaǵan alǵashqy memleketterdiń biri bolyp sanalady. Qazaqtar da XVIII-XIX ǵasyrda birneshe til bilgen, túrik, orys, parsy, arab tilderin jetik meńgergen. Sondyqtan, parsy mádenıeti qazaqtarǵa tańsyq emes. Osy kórmeni uıymdastyrǵan elshi myrzaǵa jáne aqparat agenttikterine alǵys aıtamyn», - dedi QR Ulttyq mýzeıi dırektorynyń mindetin atqarýshy Almas Nurazhan.
Óz kezeginde «QazAqparat» halyqaralyq aqparat agenttiginiń bas dırektory Asqar Ýmarov 27 jyl ishinde Iran men Qazaqstan qarym-qatynasynyń kúsheıgenin atap ótti.
«Ásirese, ekonomıka, mádenıet, aqparat jaǵynan Qazaqstan men Iran qarym-qatynasy kúsheıip keledi. Mysaly, 2017 jyly QazAqparat halyqaralyq aqparat agenttigi Irannyń IRNA aqparat agenttigimen memorandýmǵa qol qoıyp, seriktes retinde jumys istep keledi. Qazirgi kezde IRNA agenttigi QazAqparat arqyly Qazaqstan týraly aqparattar men sýretterdi, vıdeolardy Iran halqyna taratyp jatyr», - dedi Asqar Ýmarov.
Aıta keteıik, bıyl Iran men Qazaqstan arasynda dıplomatııalyq qarym-qatynastyń ornaǵanyna 27 jyl toldy.
Sondaı-aq, bıyl Iran Islam Respýblıkasy ıslam revolıýtsııasynyń 40 jyldyǵyn atap ótýde. 1979 jyly atalǵan memleket ózin Islam Respýblıkasy dep jarııalaǵan bolatyn.