Qazaqstan men Iran arasyndaǵy saýda aınalymyn qaıta qaraý usynyldy
«Iran Qazaqstanǵa baj salyǵyn 306 taýar pozıtsııasy boıynsha tómendetti, al biz 502 pozıtsııaǵa tómendettik. Bul jerde másele pozıtsııa sanynda emes. Bizdiń saýda qurylymymyz osylaı qalyptasyp tur. Áńgime bajdy tómendetý deńgeıi týraly bolyp otyr. Eýrazııalyq ekonomıkalyq odaqqa múshe elder asshaıan (krevetkı), lımon, qurma, piste ósirmeıdi. Sondyqtan atalǵan taýar túrlerine baj salyǵy ońaı alynyp tastaldy. Al kondıterlik ónimder, jýǵysh zattar, kilem jáne taǵy basqa taýarlar boıynsha biz olardy aldap otyrmyz», - dedi Albert Raý Májilistiń jalpy otyrysynda.
Onyń aıtýynsha, Iran tarapy agrarlyq-ónerkásiptik keshen ónimderiniń 97 túri men 263 ónerkásiptik taýarǵa baj salyǵyn tómendetti, biraq nólge aparmady.
«Qarańyz, sıyr eti baj salyǵy 26 paıyz edi, 10 paıyzǵa tómendedi. ıAǵnı baj salyǵy áli de bar. Odan bólek, burshaq 55 paıyzdan 10-ǵa, al makaron jáne kondıterlik ónimder boıynsha baj salyǵy 55-ten 20 paıyzǵa tómendep otyr. Esesine bizdiń basty ónim astyq boıynsha jaǵdaı túsiniksiz. Sebebi kelisimde astyq jáne astyq ónimderi týraly aıtylmaǵan. ıAǵnı, biz olar úshin lımon, kıvı taǵy basqa taýarlar boıynsha baj salyǵyn alyp tastap otyrmyz. Al bizdiń basty baılyǵymyz astyq kelisimge engizilmegen», - deıdi ol depýtattyq saýal joldaı otyryp.
Odan bólek, Májilis depýtaty atalǵan jaıtty qatysty Qazaqstan Úkimeti óz pozıtsııasyn ustaný kerektigin eskertti.
Buǵan deıin habarlaǵanymyzdaı búgin Májilis Eýrazııalyq ekonomıkalyq odaq elderi jáne Iran arasynda erkin saýda aımaǵyn qurýǵa alyp keletin ýaqytsha kelisim hattamasyn ratıfıkatsııalady.