Qazaqstan men Iordanııanyń úkimetaralyq yntymaqtastyq máselesi talqylandy

AMMAN. QazAqparat – Elshi Aıdarbek Tumatov Iordanııanyń Ónerkásip, saýda jáne jabdyqtaý mınıstri, Qazaqstan-Iordanııa Úkimetaralyq komıssııasynyń (ÚAK) teń tóraǵasy Maha ál-Álımen kezdesý ótkizdi, dep habarlaıdy QR SІM baspasóz qyzmeti.

Oryn alǵan suhbat barysynda jańa qyzmetke taǵaıyndalýyna baılanysty ÚAK qazaqstandyq bóliginiń teń tóraǵasy, QR Aýyl sharýashylyǵy mınıstri Saparhan Omarovtyń quttyqtaýy tabystalyp, atalmysh hatta úkimetaralyq yntymaqtastyqty barlyq negizgi baǵyttar boıynsha odan ári tereńdetýge qyzyǵýshylyq bildirildi.

Óz kezeginde, M.ál-Álı ekijaqty yntymaqtastyqty sapaly jańa deńgeıge kóterý úshin bar áleýetti ashýǵa, sonyń ishinde taýar aınalymyn ulǵaıtý men eki eldiń ózara árekettesý formalaryn ártaraptandyrý úshin jaǵdaı jasaýǵa múddelilik tanytty.

Osy rette, ústimizdegi jyldyń ortasynda Ammanda úkimetaralyq komıssııanyń kezekti 5-shi otyrysyn, sondaı-aq Qazaqstan-Iordanııa bıznes forýmyn ótkizýge qatysty máseleler talqylandy.