Qazaqstan men Iordanııanyń sybaılas jemqorlyqqa qarsy vedomstvolary tájirıbe almasty

NUR-SULTAN. QazAqparat - Sybaılas jemqorlyqqa qarsy is-qımyl agenttigi sheteldik seriktesteriniń jelisin keńeıtý maqsatynda Parasattylyq jáne sybaılas jemqorlyqqa qarsy is-qımyl komıssııasynyń (budan ári – komıssııa) basshylyǵymen jáne Iordanııanyń Qazaqstandaǵy elshisi ıÝsýf Abdelganımen onlaın kezdesý ótkizdi, dep habarlaıdy QazAqparat vedomstvonyń baspasóz qyzmetine silteme jasap.

Sybaılas jemqorlyqqa qarsy vedomstvonyń basshysy Alık Shpekbaev ıordanııalyq áriptesterin jumys nátıjesimen jáne elimizde júrgizilip jatqan keshendi reformalarmen tanystyryp, saıası jańǵyrtýdyń mańyzdylyǵyn atap ótti. Sondaı-aq, ol sybaılas jemqorlyq quqyq buzýshylyqtary úshin qylmystyq jaýapkershilikti kúsheıtýge jáne aldyn alýǵa baǵyttalǵan sybaılas jemqorlyqqa qarsy zańnamanyń novellalaryna nazar aýdardy.

Buǵan deıin óz hatynda komıssııa tóraǵasy Mýhannad Hıdjazı elimizdiń jetistikterin, halyqaralyq reıtıngilerde aıtarlyqtaı ósýdi atap ótti. Óz kezeginde Elshi ıÝsýf Abdelganı Qazaqstanda turyp, sybaılas jemqorlyqqa qarsy is-qımyldaǵy jaqsartý men eleýli jetistikterge kóz jetkizgenin atap ótti.

Iordanııa vedomstvosynyń bas hatshysy Asam Taraýne sybaılas jemqorlyqqa qarsy saıasattyń qalyptasý tarıhy týraly egjeı-tegjeıli aıtyp berdi. Onyń tarıhy 2005 jyly BUU-nyń Sybaılas jemqorlyqqa qarsy konventsııasyn ratıfıkatsııalaýdan bastaý alyp, para berý ýádesin/usynysyn krımınalızatsııalaý, yqpal etý saýdasy jáne aqshany jylystatý bóliginde pysyqtalyp jatqan bastamalarǵa deıin jalǵasady.

Eki memlekettik organnyń qyzmeti, fýnktsııalary men basymdyqtary kóbine sáıkes keledi. Mysaly, Iordanııanyń sybaılas jemqorlyqqa qarsy is-qımyl Ulttyq josparynda kózdelgen jobalardyń 70%-y aldyn alýǵa baǵyttalǵan.

Kezdesý qorytyndysy boıynsha taraptar Yntymaqtastyq týraly memorandýmǵa qol qoıý jáne turaqty negizde ózara keńester uıymdastyrý týraly kelisti.