Qazaqstan men Gvıneıa-Bısaý Prezıdentteri birlesken málimdeme qabyldady

<p>ASTANA. KAZINFORM &mdash; Aqordada Memleket basshysy Qasym-Jomart Toqaev pen Gvıneıa-Bısaý Prezıdenti Ýmarý Sısoký Embalo joǵary deńgeıdegi kelissózderdiń qorytyndysynda birlesken málimdeme qabyldady.</p>

Sonymen qatar, QR Premer-Mınıstriniń orynbasary — Syrtqy ister mınıstri Murat Nurtileý men Gvıneıa-Bısaý Syrtqy ister, halyqaralyq qatynastar jáne qaýymdastyqtar mınıstri Karlos Pınto Pereıra dıplomatııalyq jáne qyzmettik pasporttardyń ıelerin vızalyq talaptardan bosatý týraly úkimetaralyq kelisimmen, saıası jáne dıplomatııalyq konsýltatsııalar jónindegi; Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev pen Gvıneıa-Bısaý Syrtqy ister, halyqaralyq qatynastar jáne qaýymdastyqtar mınıstri Karlos Pınto Pereıra aqparattyq-kommýnıkatsııalyq tehnologııalar salasyndaǵy ózara yntymaqtastyq týraly vedomstvoaralyq memorandýmmen almasty.

Foto: Aqorda

Buǵan deıin Memleket basshysy Qasym-Jomart Toqaev Aqordada elimizge resmı saparmen kelgen Gvıneıa-Bısaý Prezıdenti Ýmarý Sısoký Embalony saltanatpen qarsy alǵanyn jazǵan edik.

Keńeıtilgen quramdaǵy kelissóz barysynda Qasym-Jomart Toqaev Qazaqstan Gvıneıa-Bısaýdy Afrıka qurlyǵyndaǵy mańyzdy seriktes retinde qarastyratyndyǵyn aıtty. 

Kelissózder barysynda eki eldi basshylary Bısaý porty men Transkaspıı dálizin ushtastyrý joldaryn zerdeleýge kelisti.