Qazaqstan men Gvıneıa-Bısaý prezıdentteri «Astana» halyqaralyq qarjy ortalyǵyna bardy
AHQO basqarýshysy Renat Bekturov qarjy ortalyǵynyń qurylymy jáne qyzmetiniń negizgi baǵyttary týraly málimet berdi. Onyń aıtýynsha, eki el ortalyq alańynda ınvestıtsııa, jasyl jáne ıslamdyq qarjylandyrý, sondaı-aq qarjy salasynyń mamandaryn oqytý sekildi basym baǵyttar boıynsha yntymaqtastyq ornata alady.
Búginde AHQO arqyly tartylǵan ınvestıtsııa kólemi 14 mıllıard dollardy quraǵan. Onyń 6,7 mıllıard dollary — Astana International Exchange bırjasyndaǵy portfeldik ınvestıtsııalar. Ortalyqta álemdegi 85 eldiń 3400-den astam kompanııasy tirkelgen. Olardyń qatarynda Afrıka qurlyǵynan 6 kompanııa bar.
Qazaqstan men Gvıneıa-Bısaý prezıdentterine pretsedenttik quqyq normalary men qaǵıdattaryna negizdelgen Ortalyq Azııadaǵy alǵashqy sot júıesi — AHQO sotynyń, sondaı-aq Halyqaralyq tórelik ortalyǵy men Jasyl qarjy ortalyǵynyń qyzmeti týraly baıandaldy.
Memleketter basshylary AHQO Qarjylyq qyzmetter kórsetýdi retteý jónindegi komıtetiniń (AFSA) jumysymen jáne qarjy ortalyǵynyń retteý rejıminiń erekshelikterimen tanysty.
Aıta keteıik, keshe Memleket basshysy Qasym-Jomart Toqaev Aqordada elimizge resmı saparmen kelgen Gvıneıa-Bısaý Prezıdenti Ýmarý Sısoký Embalony saltanatpen qarsy alǵanyn jazdyq.
Keıinnen Qazaqstan men Gvıneıa-Bısaý Prezıdentteri birlesken málimdeme qabyldaǵany belgili boldy.