Qazaqstan men Grýzııa SІM basshylary astanada kelissóz ótkizdi

NUR-SULTAN. QazAqparat – Bıylǵy jarty jylda Qazaqstan men Grýzııa arasyndaǵy saýda-sattyq bes esege artyp, 150 mln AQSh dollaryn qurady. Bul týraly Qazaqstan Respýblıkasy Premer-Mınıstriniń orynbasary - Syrtqy ister mınıstri Muhtar Tileýberdiniń Grýzııa Syrtqy ister mınıstri Ilıa Darchıashvılımen kezdesýinde aıtyldy, dep habarlaıdy QazAqparat.

QR SІM málimetinshe, kezdesýde eki eldiń syrtqy saıası vedomstvolarynyń basshylary dıplomatııalyq qatynastardyń ornaǵanyna 30 jyl tolýyna oraı quttyqtaýlarmen almasyp, olardyń dostyq pen ózara qurmet rýhynda qaryshty damyp kele jatqanyn atap ótti.

Mınıstrler Qazaqstan-Grýzııa yntymaqtastyǵynyń negizgi baǵyttary men perspektıvalaryn talqylady. Sondaı-aq halyqaralyq kún tártibindegi ózekti máseleler de qaraldy. Osy turǵyda mınıstrler eki eldiń halyqaralyq uıymdar, sonyń ishinde BUU jáne EQYU aıasyndaǵy ózara is-qımyl deńgeıin joǵary baǵalady. Taraptar saýda qatynastarda eleýli áleýettiń bar ekenin rastady jáne taýar aınalymy kóleminiń ósýine, nomenklatýrasyn ártaraptandyrýǵa serpin berý úshin naqty sharalar qabyldaýǵa kelisti. 2022 jyldyń birinshi jartycynyń qorytyndysy boıynsha 150 mln AQSh dollaryna jetken ózara saýdanyń bes ese ósýi – bul odan ári birlesken jumys jolyndaǵy mańyzdy máreniń biri.

Kólik jáne kommýnıkatsııa salasyndaǵy yntymaqtastyqty damytýǵa erekshe nazar aýdaryldy. Suhbattastar Ońtústik Kavkazdaǵy basty qazaqstandyq aktıvter – Batýmı munaı termınaly men portty paıdalana otyryp, Transkaspıı halyqaralyq kólik baǵytyn damytý máselelerin talqylady.

Budan bólek, mádenı-gýmanıtarııa baılanystaryn jandandyrýdyń zor mańyzy atap ótildi.

Eske salaıyq, búgin Qazaqstanǵa resmı saparmen Grýzııa Premer-mınıstri Iraklıı Garıbashvılı keldi.

Foto: gov.kz