Qazaqstan men Germanııa arasynda ózara senim bar - Qasym-Jomart Toqaev

<p>ASTANA. KAZINFORM &ndash; Qazaqstan men Germanııa arasynda ózara senim bar, berik dostyq qatynas ornaǵan. Bul týraly Aqordada elimizge resmı saparmen kelgen Germanııanyń Federaldyq kantsleri Olaf Sholtspen keńeıtilgen quramdaǵy kelissóz barysynda Memleket basshysy Qasym-Jomart Toqaev aıtty.</p>

«Shaqyrýymdy qabyl alǵanyńyz úshin shynaıy rızashalyǵymdy bildiremin. Bul sizdiń Qazaqstanǵa jasaǵan alǵashqy resmı saparyńyz. Biz buǵan aıryqsha mán beremiz. Búgingi kezdesý Qazaqstan men Germanııanyń kópqyrly yqpaldastystyǵyn jańa beleske kóteredi dep senemin. Sebebi, elderimizdiń arasynda ózara senim bar, berik dostyq qatynastar ornaǵan», - dep atap ótti Memleket basshysy.

Prezıdent jańa ǵana ótken shaǵyn quramdaǵy kelissóz barysynda ekijaqty qarym-qatynasty odan ary nyǵaıtý máselelesi talqylanǵanyn aıtty.

«Saýda, ekonomıka, ınvestıtsııa salasyndaǵy yqpaldastyqty tereńdetýge erekshe nazar aýdardyq. Budan bólek, ózekti halyqaralyq máseleler týraly sóz qozǵadyq. Ásirese, qazirgi geosaıası ahýalǵa, jahandyq qaýipsizdikke jáne aımaqtyq damýǵa, klımattyń ózgerýine qatysty pikir almastyq. Sondaı-aq halyqaralyq uıymdar aıasyndaǵy baılanystarǵa toqtaldyq. Ekijaqty qarym-qatynasymyz strategııalyq seriktestik rýhynda damyp kele jatyr. Keńeıtilgen quramdaǵy kelssózder onyń aıasyn keńeıte túsýge yqpal etedi dep senemin», - dedi Qasym-Jomart Toqaev.

Osyǵan deıin Memleket basshysy Qasym-Jomart Toqaev Astanaǵa resmı saparmen kelgen Germanııanyń Federaldyq kantsleri Olaf Sholts Aqordada qarsy alǵanyn jazdyq.