Qazaqstan men Germanııa birlesken jańa jobalardy júzege asyrýǵa múddeli

<p><strong>ASTANA. KAZINFORM &ndash; &laquo;Astana&raquo; halyqaralyq qarjy ortalyǵynyń alańynda QR Premer-Mınıstriniń birinshi orynbasary Roman Sklıardyń, Germanııa ekonomıkasynyń Shyǵys komıteti basqarmasynyń tóraǵasy Katrına Klaas-Mıýlhoızerdiń qatysýymen Berlın Eýrazııalyq klýbynyń 40-shy mereıtoılyq otyrysy ótti.&nbsp;</strong></p>

Atalmysh jıynǵa memlekettik jáne jeke sektor ókilderi, CLAAS, CT AGRO GmbH, Knauf International GmbH, Atlas International GmbH sekildi Germanııanyń jetekshi kompanııalarynyń basshylary qatysty. Premer-Mınıstrdiń birinshi orynbasary alǵy sózinde Germanııanyń elimizdiń Eýropalyq odaqtaǵy eń mańyzdy saýda-ekonomıkalyq jáne ınvestıtsııalyq seriktesi ekenin atap ótti. Keıingi jyldary Qazaqstan Germanııanyń 50 jetekshi syrtqy saýda seriktesteriniń qataryna endi, osylaısha birden 10 pozıtsııaǵa kóterildi. 

«Respýblıkamyzdaǵy ınvestıtsııalar qaýipsizdigi men joǵary saıası turaqtylyqty moıyndaýdyń mańyzdy belgisi – Germanııa Federaldy úkimetiniń Qazaqstandy yntymaqtastyq ornatý úshin ınvestıtsııalyq kepildikter berýdiń jeńildikti tártibi qoldanylatyn 34 memlekettiń tizimine qosýy boldy», - dedi R. Sklıar. 

Foto: primeminister.kz

Óz kezeginde Katrına Klaas-Mıýlhoızer Qazaqstan Germanııanyń Ortalyq Azııadaǵy eń mańyzdy seriktesi ekenin basa aıtty. Ol nemis delegatsııasynyń Qazaqstanǵa agroónerkásip kesheni, taý-ken metallýrgııasy, energetıka, kólik jáne logıstıka salalarynda naqty birlesken jobalardy júzege asyrýdy ýaǵdalasý maqsatymen kelgenin erekshe atap ótti. 

«Germanııa shetelde seriktesterdi belsendi izdeýde, osy oraıda Qazaqstan yntymaqtastyqty keńeıtýdiń basym baǵyty bolyp sanalady. Biz qosylǵan quny joǵary ónim shyǵarǵymyz keledi jáne Qazaqstan Respýblıkasyndaǵy ónerkásiptik jobalardy damytýǵa úles qosýdy josparlap otyrmyz», - dedi Germanııa ekonomıkasy Shyǵys komıtetiniń basqarma tóraǵasy. 

Foto: primeminister.kz

Kezdesý barysynda «Báıterek» ulttyq basqarýshy holdıngi» AQ basqarma tóraǵasy Rýstam Qaraǵoıshın, Germanııa ekonomıkasy Shyǵys komıtetiniń atqarýshy dırektory, Qazaqstan-Germanııa Іskerlik keńesiniń teń tóraǵasy Mıhael Harms, Ortalyq Azııadaǵy nemis ekonomıkasy Syrtqy saýda, ilgeriletý jáne qarjy departamentiniń basshysy Hovsep Voskanıan, Germanııa Federatıvtik Respýblıkasynyń Ekonomıka jáne klımatty qorǵaý federaldy mınıstrliginiń basshysy Gerlınd Hekman jáne t. b. qatysty.

Foto: primeminister.kz

Sonymen qatar R. Sklıar quramyna 15 nemis kompanııasynyń basshylary kiretin nemis ekonomıkalyq delegatsııasynyń ókilderimen kezdesý ótkizdi. Taraptar pikir almasyp, yntymaqtastyqtyń negizgi aspektilerin anyqtap, ekonomıkanyń túrli salalaryndaǵy áriptestikti tereńdetýdiń yqtımal joldaryn talqylady.