Qazaqstan men Frantsııanyń resmı delegatsııa músheleri birqatar qujatqa qol qoıdy

<p>Kelissózder nátıjesinde Qazaqstan men Frantsııa basshylary birlesken málimdeme jasady, dep habarlaıdy <a href="https://kaz.inform.kz/" target="_blank" rel="noopener">Kazinform. </a>&nbsp;</p>

Eki eldiń resmı delegatsııa músheleri mynadaı qujattarǵa qol qoıdy:

1. Qazaqstan Respýblıkasynyń Úkimeti men Frantsýz Respýblıkasynyń Úkimeti arasyndaǵy Qazaqstanda Frantsýz damý agenttigi tobyn qurý jáne onyń jumys isteýi týraly kelisim;
2. Qazaqstan Respýblıkasynyń Úkimeti men Frantsýz Respýblıkasynyń Úkimeti arasyndaǵy Qazaqstan Respýblıkasynda halyqaralyq (frantsýz) mektepter ashýǵa jáne Qazaqstan Respýblıkasynyń bilim berý uıymdarynda frantsýz tilin oqytýǵa qatysty kelisim;

3. Frantsııa men Qazaqstan arasyndaǵy strategııalyq paıdaly qazbalar boıynsha yntymaqtastyq týraly birlesken nıet deklaratsııasy;
4. «QazBioPharm «UH» AQ men Boehringer Ingelheim Animal Health France kompanııasy arasynda Qazaqstan Respýblıkasynda aýsylǵa qarsy vaktsınany jergilikti óndirý boıynsha yntymaqtastyq, lıtsenzııa jáne jetkizý týraly kelisim;

5. Energııany jınaqtaý júıesi bar, jıyntyq qýaty 1 GVt jel elektr stantsııalaryn salý jobasy boıynsha birlesken kásiporyn týraly kelisim;
6. «Qazaqstan Respýblıkasynda temirjol lokomotıvteri men jyljymaly quramdy, sondaı-aq temirjol tehnıkasynyń qosalqy bólshekterin óndirý jáne olarǵa servıstik qyzmet kórsetý» jobasyn iske asyrý jónindegi ınvestıtsııalar týraly kelisim.

   Eske salaıyq, Frantsııa Prezıdenti Emmanıýel Makron resmı saparmen Qazaqstanǵa keldi.

   Qasym-Jomart Toqaev Aqordada Frantsııa Prezıdenti Emmanıýel Makrondy qarsy aldy.

   Qazaqstan men Frantsııa prezıdentteri shaǵyn quramda kelissóz júrgizdi.

   Makron bul sapar ekijaqty seriktestik úshin mańyzdy jylmen tuspa-tus kelip otyrǵanyn aıtty.

   Qazaqstan Prezıdenti óz sózinde Frantsııa – Qazaqstannyń Eýropadaǵy óte mańyzdy seriktesi ekenin atap ótti.

   Sondaı-aq, Prezıdent kezdesý kezinde bilim jáne ǵylym salasyndaǵy jobalardy qolǵa alýǵa erekshe kóńil bólingenin jetkizdi.

   Emmanıýel Makron qazaq mektepterine frantsýz tilin oqytý tájirıbesi qaıta oralǵany mańyzdy ekenin jetkizdi.

   Memleket basshysy Qasym-Jomart Toqaev álemdegi túrli saıası shıelenister men ekonomıkalyq daǵdarystar eldi alańdatyp otyrǵanyna toqtaldy.

   Frantsııa Prezıdenti memleketter arasyndaǵy qarym-qatynastyń frantsııalyq úlgisi týraly aıtty.

   Qasym-Jomart Toqaev pen Emmanıýel Makron eki memlekettiń resmı delegatsııalarynyń qatysýymen keńeıtilgen quramda kelissóz júrgizdi.

   Frantsııa prezıdenti Emmanıýel Makron Memleket basshysy Qasym-Jomart Toqaevpen Aqordadaǵy kezdesýi kezinde Qaraǵandy oblysynda qaza bolǵan shahterlerdiń otbasyna kóńil aıtty.

   Memleket basshylarynyń kezdesýinen keıingi qos eldiń qarym-qatynasy qaı baǵytta damýy múmkin?

   Aıta ketý kerek, Qazaqstan Prezıdenti Qasym-Jomart Toqaevtyń Frantsııaǵa byltyr jasaǵan resmı sapary aıasynda 35 qujatqa qol qoıylǵan bolatyn.