Qazaqstan men Frantsııa kınematografııa salasynda yntymaqtastyqty nyǵaıtady

<p>ASTANA. KAZINFORM &ndash; Qazaqstandaǵy Ulttyq kınony qoldaý ortalyǵy men Frantsııanyń Ulttyq kınematografııa jáne anımatsııa ortalyǵy halyqaralyq Kann festıvali aıasynda yntymaqtastyq týraly memorandýmǵa qol qoıdy. Bul týraly dep QR Mádenıet jáne aqparat mınıstrligi málim etti.</p>

Mańyzdy qadam qos el arasyndaǵy mádenı qarym-qatynasty nyǵaıtyp, kınoındýstrııa salasyn damytýǵa baǵyttalǵan.

Memorandým aıasynda taraptar eki eldiń kıno ónimderin óz aýmaqtarynda taratýǵa qoldaý kórsetedi.

«Kıno ónimderin shetelde taratý – mádenı áralýandyqty ilgeriletýdiń mańyzdy faktory. Bul oraıda Frantsııadaǵy Ulttyq kınematografııa jáne anımatsııa ortalyǵy qazaqstandyq áriptesterge kıno óndirisin halyqaralyq deńgeıde ilgeriletýge qatysty saraptamalaryn bólisedi. Bul – tájirıbe tolystyrýǵa taptyrmas múmkindik», – deıdi Qazaqstandaǵy Ulttyq kınony qoldaý ortalyǵynyń basqarma tóraǵasy Qurmanbek Jumaǵalı.

Frantsııa Ulttyq kınematografııa jáne anımatsııa ortalyǵy qazaq fılmderin taratýǵa, frantsýz fılmderin qazaq tiline dýblıajdaýǵa kómek kórsetýge daıyn ekenin jetkizdi.