Qazaqstan men Frantsııa otyn-energetıka keshenindegi yntymaqtastyqty talqylady
QR Energetıka mınıstri Nurlan Noǵaev Eýropa jáne Frantsýz Respýblıkasynyń Syrtqy ister mınıstri janyndaǵy Syrtqy saýda jáne ekonomıkalyq tartymdylyq máselesi boıynsha mınıstr - delegat Frank Rıestermen, sondaı-aq MEDEF International Frantsııa kásiporny qozǵalysynyń ókili Iv-Lýı Darrıkarermen kezdesý ótkizdi.
Kezdesý barysynda taraptar otyn-energetıka keshenindegi aǵymdaǵy birlesken aýqymdy jobalardyń iske asyrylýyn talqylap, jańartylatyn energııa kózderi, munaıdy óndirý jáne ınvestıtsııalar salasyndaǵy eki jaqty yntymaqtastyqty keńeıtý perspektıvalaryn qarastyrdy.
QR Energetıka mınıstri Qazaqstanda aýqymdy energetıkalyq jobalardy iske asyryp otyrǵan «Total», «Orano», «Air Liquide» jáne t.b. iri frantsýz kompanııalarynyń tıimdi qyzmetin atap ótti.
Budan basqa, MEDEF International frantsýz-qazaqstandyq iskerlik keńesiniń teń tóraǵasynyń basshylyǵymen «Total», «Orano», «Alstom», «Air Liquide», «Idemia», «Lazard Freres», «EDF» frantsýz kompanııalarynyń ókilderi atom energetıkasy, AMÓZ jáne PMÓZ úshin sýtegi jáne azot ónerkásiptik gazdaryn óndirý jáne energetıka men gıdroresýrstar salasyndaǵy ınjenerlik qyzmetterge qatysty birlesken jobalardy iske asyrý máselelerin kóterdi.
Qazaqstandaǵy «Total» kompanııasynyń bas dırektory Alem Frıga-Noı jáne «Total EREN» kompanııasynyń Ortalyq Azııa jónindegi vıtse-prezıdenti Terrı Plezan «Total» kompanııasynyń Qazaqstanmen kópjyldyq yntymaqtastyǵynyń, atap aıtqanda kompanııanyń NCOC konsortsıýmynda qatysýy arqyly oń qorytyndylary týraly aıtty, sondaı-aq jańartylatyn energııa kózderi salasyndaǵy jańa jobany iske asyrý boıynsha jospardy qozǵady.
2018 jyldan bastap «Total EREN» kompanııasy kún energetıkasy salasyndaǵy eki jobany: Qyzylorda oblysyndaǵy «Nomad» (28 MVt) jobasyn jáne Jambyl oblysyndaǵy M-KAT (100 MVt) jobasyn sátti iske asyrdy.
Kezdesýdiń sońynda taraptar otyn-energetıka kesheni salasyndaǵy Qazaqstan jáne Frantsııa arasyndaǵy ózara tıimdi yntymaqtastyqty jalǵastyrý jóninde sheshim qabyldady.