Qazaqstan men Fınlıandııa ekologııa salasyndaǵy yntymaqtastyqty jandandyrýǵa nıetti
Kezdesý barysynda Qazaqstan-Fınlıandııa saýda-ekonomıkalyq yntymaqtastyq jónindegi Úkimetaralyq komıssııasy aıasyndaǵy Qazaqstan Respýblıkasy men Fınlıandııanyń saıası, saýda-ekonomıkalyq jáne mádenı-gýmanıtarlyq salalardaǵy ekijaqty yntymaqtastyq máseleleri talqylandy.
Sondaı-aq teń tóraǵalar tabıǵı ýran kontsentrattaryn jetkizý boıynsha ıadrolyq energetıka salasynda qol jetkizilgen progresti, Nurminen Logistics Services kompanııasymen konteınerlik júkterdi tasymaldaýda tabysty yntymaqtastyqty atap ótti.
Júzdesý kezinde Maǵzum Myrzaǵalıev fındik mınıstr Vılle Skınnarımege eki eldiń damýy úshin erekshe áleýeti bar orman sharýashylyǵy, qaldyqtardy kádege jaratý, balyq sharýashylyǵy, qurylys jáne tsıfrlandyrý salasyndaǵy yntymaqtastyqty keńeıtýdi usyndy.
Sonymen qatar, Ekologııa mınıstrliginiń basshysy «Qazaqtelekom» AQ-nyń «Nokia» kompanııasymen 5G tehnologııalaryn engizý salasyndaǵy jolǵa qoıylǵan yntymaqtastyǵyn oń baǵalaı kele, fın kompanııalaryn odan ári belsendi yntymaqtastyqqa shaqyrdy.
Kezdesý qorytyndysy boıynsha yntymaqtastyqty jandandyrý jónindegi máseleler talqylandy.
Sondaı-aq ekologııa, orman jáne balyq sharýashylyǵy, qaldyqtarmen jumys isteý, sý resýrstaryn basqarý salasyndaǵy iskerlik baılanysty keńeıtý maqsatynda Qazaqstan Respýblıkasynyń ekologııa, geologııa jáne tabıǵı resýrstar mınıstrligi, KaukoInternational Oy Ltd kompanııasy jáne Qazaq-Fın tehnologııalyq ortalyǵy (QFTC) arasynda yntymaqtastyq týraly Memorandýmǵa qol qoıdy.