Qazaqstan men Fınlıandııa arasyndaǵy taýar aınalymy 3,4 esege artty
Kezdesý sharasyna Fınlıandııa Respýblıkasynyń Qazaqstan Respýblıkasyndaǵy Elshisi Soılı Mıakelıaınen-Býhanıst, sondaı-aq Qazaqstan Respýblıkasynyń Fınlıandııa Respýblıkasyndaǵy Tótenshe jáne Ókiletti Elshisi Janna Sartbaeva qatysty.
Qazaqstan men Fınlıandııa arasynda áriptestik ózara qarym-qatynastardy odan ári damytýdyń tıimdi tetigi jolǵa qoıylǵan. Qazaqstan-Fınlıandııa saýda-ekonomıkalyq yntymaqtastyq jónindegi Úkimetaralyq komıssııasy tabysty jumys isteýde.
«Elder arasyndaǵy taýar aınalymy 2021 jylǵy qańtar-naýryzda 111,2 mln dollardy qurady. Bul ótken jyldyń sáıkes kezeńimen salystyrǵanda 3,4 ese joǵary. Qazaqstannan Fınlıandııaǵa eksport 2021 jyldyń birinshi toqsanynda 80,8 esege ósip, 86,4 mln dollardy qurady», - dedi qazaqstandyq mınıstr.
«Sonymen qatar, Qazaqstan-Fınlıandııa qarym-qatynastarynyń nyǵaıý perspektıvasy bar. Ózara saýdanyń qolda bar qurylymyn ózgertý úshin Qazaqstannyń saýda mınıstrligi munaı-hımııa, tamaq, metallýrgııa, mashına jasaý, hımııa salalary ónimderiniń 40 ataýynan jáne qurylys taýarlarynan áleýetti taýarlardyń tizbesin qalyptastyrdy», - dedi Sultanov.
Qazaqstandyq óndirýshilerdiń artyqshylyqtary týraly aıta otyryp, Baqyt Sultanov elimizde 60-tan astam organıkalyq ónim óndirýshiler týraly habarlady. Olardyń bir bóligi qazirgi ýaqytta Eýropalyq odaqtyń ýákiletti organdarynda akkredıtteýden ótýde.
Áńgime barysynda QR SIM basshysy Fınlıandııanyń joǵary tehnologııalar salasyndaǵy jetistikterimen tanymal ekenin jáne Qazaqstan osy salada tájirıbe almasýǵa jáne yntymaqtastyq ornatýǵa múddeli ekenin atap ótti.
«Qazaqstan aýmaǵynda 10 arnaıy ekonomıkalyq aımaq jumys isteıdi. Investorlar úshin jeńildikter bar, Úkimet ınvestorlardyń quqyqtaryn qoldaýǵa jáne qorǵaýǵa kepildik beredi. Fın ınvestıtsııalaryn tartý úshin «Qorǵas« ShYHO áleýetin paıdalanýdy, sondaı-aq ony QHR naryǵyna kóterme-bólshek eksporty alańy retinde paıdalanýdy usynǵym keledi», - dedi QR Saýda jáne ıntegratsııa mınıstri.
Óz kezeginde Fınlıandııanyń Syrtqy saýda jáne damý mınıstri V.Skınnarı Reseı Federatsııasy men QHR arasyndaǵy qarym-qatynastar, sondaı-aq eýropalyq qaýymdastyqpen yntymaqtastyq aıasynda bıznes pen saýdany damytý máselelerin talqylaýǵa kelgenin atap ótti.
«Biz Fınlıandııanyń jetekshi kompanııalarynyń ókilderimen yntymaqtastyqtyń naqty nusqalaryn talqylaý úshin keldik. Fınlıandııanyń joǵary tehnologııalaryn eskere otyryp, yntymaqtastyǵymyzdy damytyp, serpilis jasaı alamyz dep oılaımyn. Sondaı-aq, logıstıka, tsıfrlandyrý, bilim berý jáne densaýlyq saqtaý salalaryndaǵy yntymaqtastyqty damytýǵa múddelimiz. Biz saýda seriktesi bolýǵa jáne EO naryǵynda oryn alýǵa Qazaqstandy qoldaýǵa daıynbyz», - dedi V.Skınnarı.
Osyǵan baılanysty, bıznes-toptar arasyndaǵy yntymaqtastyqty jandandyrý maqsatynda qazaqstandyq tarap tutynýshylardy qazaqstandyq jáne fın óndirisiniń ónimderimen tanystyrý úshin onlaın-formatta saýda mıssııalaryn ótkizýdi qarastyrý múmkindigin usyndy.