Qazaqstan men Eýropalyq odaq arasyndaǵy taýar aınalymy 27,6 %-ǵa ósti

ASTANA. QazAqparat – Byltyr Qazaqstanmen Eýropalyq odaq arasyndaǵy ózara taýar aınalymy 40 mlrd dollarǵa jetti. Bul týraly Ortalyq kommýnıkatsııalar qyzmetinde ótken brıfıngte Syrtqy ister mınıstriniń orynbasary Roman Vasılenko aıtty, dep habarlaıdy QazAqparat tilshisi

«Búgingi tańda Eýropalyq odaq Qazaqstannyń eń iri saýda jáne ınvestıtsııalyq seriktesi. Tikeleı sheteldik ınvestıtsııalardyń jalpy kólemi 160 mlrd dollardan asady. 2022 jyldyń 9 aıynda eýropalyq ınvestıtsııalar aǵyny 10%-ǵa ósip, 8 mlrd dollardan asty. Qazaqstannyń syrtqy saýdasynyń shamamen 30% úlesi Eýropalyq odaqqa tıesili. 2022 jyly taýar aınalymynyń kólemi 2021 jylǵy kórsetkishten 27,6%-ǵa asyp, 40 mlrd dollardy qurady. Bul Ulybrıtanııa Eýropalyq odaq quramynan shyqqannan bergi rekordtyq kórsetkish. Qarqyndy ósý aǵymdaǵy jyly da jalǵasýda», - dep qorytyndylarǵa toqtaldy Roman Vasılenko.