Qazaqstan men Eýroodaq qarym-qatynasy ózara senimge negizdelgen – Murat Nurtileý

<p>ASTANA. KAZINFORM &ndash; QR Premer-Mınıstriniń orynbasary &ndash; Syrtqy ister mınıstri Murat Nurtileý Eýropalyq Odaqtyń Syrtqy ister jáne qaýipsizdik saıasaty jónindegi Joǵarǵy ókili Jozep Borrelmen kelissózder júrgizdi.</p>

«Jozep Borrell myrzanyń búgingi saparyna erekshe mán beremiz, alǵash 2022 jyly Astanaǵa saparmen kelgen edi. Ózim byltyr mamyrda Brıýsselde boldym. Búgingi kezdesý bizdiń tórtinshi tolyqqandy basqosýymyz. Eki jaqty baılanys Qazaqstan men Eýroodaq arasyndaǵy yntymaqtastyqtyń joǵary deńgeıiniń taǵy bir kórsetkishi ekenin tolyq senimmen aıta alamyz. Sońǵy jyldary Qazaqstan men Eýroodaq ózara senimge, syılastyq pen ortaq basymdyqtarǵa negizdelgen berik qatynastardy birizdi damytýda», - dedi Murat Nurtileý kezdesýdi qorytyndylaı kele BAQ ókilderi aldynda.

Foto: Aǵybaı Aıapbergenov/ Kazinform

Sondaı-aq, mınıstr Eýroodaq ókilimen kelissózdiń ashyq ári konstrýktıvti sıpatta ótkenin aıtty.

Foto: Aǵybaı Aıapbergenov/ Kazinform

«Bizdiń maqsat – Qazaqstan men Eýroodaq arasyndaǵy keńeıtilgen áriptestik jáne yntymaqtastyq týraly kelisimdi odan ári júzege asyrý joldaryn qarastyryp, ózara tıimdi sheshimder qabyldaý. Qol jetkizgen ýaǵdalastyqtar jan-jaqty baılanystarymyzdy odan ári tereńdetýge jańa lep bererine senimdimin», - deıdi ol.

Aıta keteıik, búgin Astanaǵa Eýropalyq Odaqtyń Syrtqy ister jáne qaýipsizdik saıasaty jónindegi Joǵarǵy ókili, Eýrokomıssııanyń Vıtse-prezıdenti Jozep Borrell resmı saparmen keldi.