Qazaqstan men Eýroodaq energetıka salasyndaǵy yntymaqtastyqty jalǵastyrmaq

NUR-SULTAN. QazAqparat - Qazaqstan Respýblıkasynyń Energetıka mınıstri Nurlan Noǵaev Eýroodaqtyń Qazaqstandaǵy ókildiginiń basshysy Sven-Olov Karlssonmen kezdesý ótkizdi, dep habarlaıdy QR Energetıka mınıstrliginiń baspasóz qyzmeti.

Kezdesý barysynda taraptar energetıka salasyndaǵy, onyń ishinde Energetıkalyq Hartııa shartyn jańǵyrtý úderisi, sondaı-aq kómirsýtek shıkizatyn óndirý jáne tasymaldaý kezindegi metan shyǵaryndylaryn monıtorıngteý tetikteri sheńberindegi birlesken ózara is-qımyl máselelerin talqylady.

Sonymen qatar, Sven-Olov Karlsson Energetıka mınıstrin klımat máseleleri boıynsha «Qazaqstan Respýblıkasy – Eýropalyq Odaq» atty aldaǵy birlesken konferentsııa jumysyna qatysýǵa shaqyrdy.

Sapar qorytyndysy boıynsha taraptar energetıka salasyndaǵy ózara tıimdi yntymaqtastyqty nyǵaıtý jónindegi jumysty odan ári jalǵastyrýǵa kelisti.

Qazaqstanda Eni, Shell, Total sııaqty birqatar eýropalyq kompanııalar aýqymdy munaı-gaz jobalarynda, atap aıtqanda Soltústik Kaspıı, Qarashyǵanaq jáne Dońǵa jobalarynda jumys isteıdi.

Jyl saıyn qazaqstandyq munaı eksportynyń shamamen 80% - y EO elderine jiberiledi.