Qazaqstan men EO elderi aýyl sharýashylyǵy salasyndaǵy saýda yntymaqtastyǵyn arttyrady

<p>ASTANA. KAZINFORM &ndash; Qazaqstan Premer-Mınıstri Oljas Bektenov Aýyl sharýashylyǵy máseleleri jónindegi Eýropalyq komıssar ıAnýsh Voıchehovskıımen agroazyq-túlik salasyndaǵy yntymaqtastyqty keńeıtý máselelerin talqylady, dep habarlady Úkimettiń baspasóz qyzmeti. &nbsp;</p> <!-- [if !supportLineBreakNewLine]--> <p></p> <!--[endif]-->

Kezdesýge qatysýshylar azyq-túlik qaýipsizdiginiń erekshe mańyzdy ekenin atap ótti. EO naryǵyna azyq-túlik eksportyn arttyrý sharalary, sondaı-aq AÓK ónimderin óndirý jáne qaıta óńdeý boıynsha birlesken jobalar qurý máseleleri qaraldy.

Qazaqstan men EO elderi aýyl sharýashylyǵy ónimderiniń sapa standarttaryn arttyrý jáne fermerlerdi qoldaý saıasatyn jalǵastyrady. Atalǵan baǵytta ozyq agrarlyq tehnologııalardy engizý salasyndaǵy ózara is-qımyldy kúsheıtý, ózgermeli klımattyń aýyl sharýashylyǵy salasyna teris áserin azaıtý máselelerinde tájirıbe almasý qajettigi atap ótildi.

«Agroónerkásiptik keshen bizdiń ekonomıkamyzdyń mańyzdy sektorlarynyń qataryna kiredi. Elimizdiń sapaly jáne ekologııalyq taza organıkalyq aýyl sharýashylyǵy ónimderin óndirý salasyndaǵy áleýetin, sondaı-aq Eýropa tarapynan artyp kele jatqan suranysty eskere otyryp, biz qazaqstandyq taýarlardy Eýropa naryǵyna eksporttaý nomenklatýrasyn keńeıtý jónindegi jumysty jandandyrýymyz qajet», — dep atap ótti Oljas Bektenov.

ıAnýsh Voıchehovskıı Qazaqstanda ınvestorlar úshin jasalǵan qolaıly jaǵdaılardy atap ótip, EO elderiniń ekijaqty yntymaqtastyqty nyǵaıtý nıetin rastady. Sondaı-aq ózara saýdadaǵy kedergilerdi joıý jáne zańnamany úılestirý sharalaryna nazar aýdaryldy.

Kezdesý barysynda Qazaqstan men Eýroodaq arasyndaǵy ekijaqty taýar aınalymynyń oń dınamıkasy aıtyldy. Jalpy, tartylǵan ınvestıtsııalardyń 40%-dan astamy jáne Qazaqstannyń syrtqy saýdasynyń shamamen 30%-y EO elderiniń úlesine tıesili.

Bir jyl ishinde saýda kólemi 3,5%-ǵa ósip, $41,4 mlrd-qa jetti, onyń $31 mlrd-y qazaqstandyq eksportqa tıesili. Bul rette aýyl sharýashylyǵy ónimderiniń ózara saýdasynda erekshe belsendilik baıqalady: ındıkator 13,4%-ǵa ulǵaıdy.

EO elderine otandyq óndirýshilerdiń negizgi eksporttyq taýarlaryna bıdaı, zyǵyr tuqymy, raps, óńdelgen dándi daqyldar jáne basqa da sanattar jatady. Joǵary deńgeıde óńdelgen ónim eksportynyń úlesin arttyrý boıynsha jumystar júrgizilip jatyr.