Qazaqstan men Egıpet aqparat salasynda yntymaqtastyqty damytýǵa nıetti

NUR-SULTAN. QazAqparat - Aqparat jáne qoǵamdyq damý mınıstri Aıda Balaeva Mysyr ulttyq medıa keńesiniń dırektory Hýseın Kamal Abdelkader Zeınniń bastaǵan Mysyr Arab Respýblıkasynyń delegatsııasymen kezdesti, dep habarlaıdy QazAqparat.

Áńgimelesý barysynda mınıstr kezdesý qatysýshylaryn mınıstrliktiń qyzmetimen qysqasha tanystyrdy, atap aıtqanda, aqparat jáne BAQ, BAQ ókilderiniń quqyqtary men qorǵalýyn qamtamasyz etý, pandemııa jaǵdaıynda BAQ-ty qoldaý boıynsha qabyldanyp jatqan sharalar týraly aıtyp berdi.

Sondaı-aq, Mınıstrliktiń jetekshiligindegi baǵyttar boıynsha ekijaqty yntymaqtastyqty damytý perspektıvalary talqylandy, onyń ishinde, mınıstr teleradıo habarlaryn taratý salasyndaǵy kontentpen almasýǵa qyzyǵýshylyq tanytty.

Óz kezeginde Mysyr tarapy eki eldiń mádenı-gýmanıtarlyq baılanystaryn damytýǵa, atap aıtqanda, jastardyń rýhanı-adamgershilik tárbıesi jónindegi televızııalyq jobalardy qurýǵa baǵyttalǵan jan-jaqty yntymaqtastyq pen birlesken jobalardy iske asyrýǵa daıyn ekendigin bildirdi.

Taraptar tyǵyz jáne ózara tıimdi qarym-qatynastardy nyǵaıtý týraly nıetterin bildirdi.