Qazaqstan men EAEO elderi arasyndaǵy taýar aınalymy qańtar-sáýir aılarynda $6,1 mlrd boldy

NUR-SULTAN. QazAqparat - Aldyn ala derekter boıynsha, Qazaqstan men EAEO (Eýrazııa ekonomıkalyq odaǵy) elderi arasyndaǵy taýar aınalymy 2019 jyldyń qańtar-sáýir aılarynda 6 mlrd 125,8 mln AQSh dollaryn qurady. Bul 2018 jyldyń osy kezeńimen salystyrǵanda 0,1% artyq, dep habarlaıdy QazAqparat tilshisi QR Ulttyq ekonomıka mınıstrliginiń Statıstıka komıtetine silteme jasap.

Naqtylap aıtqanda, esepti kezeńde Qazaqstan EAEO elderine 1 mlrd 865,3 mln dollaryna teń taýar eksporttaǵan. Bul 2018 jyldyń qańtar-sáýir aılaryndaǵy kórsetkishten 3,8%-ǵa az. Esesine ımport kólemi 1,9% artyp, 4 mlrd 260,5 mln dollarǵa jetken.

Qazaqstannyń EAEO elderimen syrtqy saýda aınalymynyń basym bóligi Reseı Federatsııasynyń úlesine týra keledi - 92,6%. Keıingi oryndarda Qyrǵyz Respýblıkasy - 4,1%, Belarýs Respýblıkasy- 3,2% jáne Armenııa Respýblıkasy - 0,1% tur.

Avtor: Ashat Ahmetbekov