Qazaqstan men Serra-Leone dıplomattary eki el arasynda vızasyz qatynaı alady
«Usynylyp otyrǵan Qazaqstan Respýblıkasy Úkimeti men Serra-Leon Respýblıkasy Úkimeti arasynda dıplomatııalyq jáne qyzmettik tólqujat ıelerin vızalyq talaptan bosatý týraly kelisim jobasy maquldansyn», — delingen Qazaqstan Úkimetiniń qaýlysynda.
Qujatqa sáıkes, bir tarap memleketiniń azamattary — jaramdy dıplomatııalyq pasporttardyń ıeleri ekinshi tarap memleketiniń aýmaǵynda alǵash kelgen kúnnen bastap kúntizbelik 180 (júz seksen) kún ishinde jıyntyǵynda kúntizbelik 30 (otyz) kúnnen aspaıtyn merzimge kóp márte kelýge/ketýge, tranzıtpen ótýge jáne vızasyz júrip-turýǵa quqyly.
«Bir tarap memleketiniń aýmaǵynda dıplomatııalyq ókildiktiń nemese konsýldyq mekemeniń qyzmetkeri retinde qyzmettik issaparda júrgen taraptardyń biri memleketiniń azamattary — jaramdy dıplomatııalyq pasporttardyń ıeleri, sondaı-aq olardyń otbasy músheleri — jaramdy dıplomatııalyq pasporttardyń ıeleri ekinshi tarap memleketiniń aýmaǵyna ózderi akkredıttelgen kezeńge vızasyz kele alady, odan kete alady, jáne onda bola alady», — delingen qujatta.
Bul rette taraptardyń árqaısysy memleketteri azamattarynyń dıplomatııalyq pasporttarynyń qoldanylý merzimi ekinshi tarap memleketiniń aýmaǵyna kelgen kúnnen bastap 6 (alty) aıdan kem bolmaýǵa tıis.