Qazaqstan men Birikken Arab Ámirlikteri arasyndaǵy taýar aınalymy $633 mıllıonǵa jetti

<p>QR Premer-Mınıstri Álıhan Smaıylov pen BAÁ Mınıstrler kabıneti isteri jónindegi mınıstri Muhammed Ál-Gargaýı memleketaralyq yntymaqtastyqtyń negizgi máselelerin talqylady, dep habarlaıdy<strong> </strong><a href="https://kaz.inform.kz/" target="_blank" rel="noopener">Kazinform</a> Úkimettiń baspasóz qyzmetine silteme jasap.&nbsp;</p>

Astanada ótken kezdesýde taraptar saýda-ekonomıkalyq ózara is-qımyldy arttyrý perspektıvalaryn, ınvestıtsııalyq yntymaqtastyq, memlekettik basqarý salasyndaǵy tájirıbe almasý qadamdaryn jáne basqa da máselelerdi qarastyrdy.

Premer-Mınıstr Birikken Arab Ámirlikteri Qazaqstannyń Parsy shyǵanaǵy aımaǵyndaǵy negizgi saýda-ekonomıkalyq seriktesteriniń biri ekenin erekshe atap ótti. Máselen, ótken jyldyń qorytyndysyna sáıkes eki el arasyndaǵy taýar aınalymy $633 mln-ǵa jetti. Sonymen qatar jaqyn arada ózara saýda aýqymyn keńeıtý arqyly bul kórsetkishti $1 mlrd-qa deıin arttyrýǵa múmkindik bar.

Álıhan Smaıylov atap ótkendeı, ınvestıtsııalyq ózara is-qımyl jańa jobalarmen de qoldaý taýyp otyr. Máselen, Qazaqstanǵa tartylǵan Ámirlikter ınvestıtsııasy ótken jyly – 27%-ǵa ósip, shamamen $420 mln-ǵa deıin jetken. 

Foto: primeminister.kz

«Birinshi jartyjyldyqta bul kórsetkish 3 eseden astam ósti jáne qazirdiń ózinde $400 mln-nan asty. Biz barlyq basym baǵyttar boıynsha odan ári yntymaqtastyqqa ashyqpyz jáne Ámirlikter ınvestorlaryna olardyń bastamalaryn iske asyrýda jan-jaqty qoldaý kórsetýge daıynbyz», - dedi Premer-Mınıstr.

Sondaı-aq ol búginde Qazaqstan men BAÁ arasynda memlekettik basqarý salasyndaǵy ózara is-qımyl belsendi damyp kele jatqanyn aıtty. Aqpan aıynda Dýbaıda ótken Dúnıejúzilik úkimet sammıti aıasynda tıisti Memorandýmǵa qol qoıyldy.

«Biz tájirıbe almasýdyń bul múmkindigin joǵary baǵalaımyz jáne memlekettik júıeniń tıimdiligin arttyrý úshin Ámirlikterdiń ozyq tájirıbesin zerdeleýge múddelimiz», - dedi Álıhan Smaıylov.

Óz kezeginde Muhammed Ál-Gargaýı Birikken Arab Ámirlikteri Qazaqstanmen qarym-qatynasty damytýǵa úlken mán beretinin basa aıtty. 

Foto: primeminister.kz

«Biz ekonomıkalyq salada oń nátıjelerdi kórip otyrmyz. Árıne, bizde ortaq úlken áleýet bar. Ekonomıkalyq damýmen qatar, bizdiń halqymyzdyń arasyndaǵy dostyqtyń, týrıster sanynyń arta túskenin de kórip otyrmyz. Biz bul kórsetkishterdiń barlyǵy odan ári ósedi dep úmittenemiz», - dedi ol.