Qazaqstan men Belarýs júk tasymalynda ruqsatsyz júıeni engizbek

ASTANA. QazAqparat - QR Parlamenti Senaty Ekonomıkalyq saıasat, ınnovatsııalyq damý jáne kásipkerlik komıtetiniń keńeıtilgen otyrysynda «2004 jylǵy 19 qańtarda jasalǵan Qazaqstan Respýblıkasynyń Úkimeti men Belarýs Respýblıkasy Úkimetiniń arasyndaǵy Halyqaralyq avtomobıl qatynasy týraly kelisimine ózgerister engizý týraly hattamany ratıfıkatsııalaý jóninde» zań jobasy qaraldy.

Hattama 2013 jylǵy 25 sáýirde Mınskte jasaldy. QR Investıtsııalar jáne damý birinshi vıtse-mınıstri Jeńis Qasymbektiń tilshilerge bergen suhbatynda atalǵan qujat Qazaqstan men Belarýs arasynda júk tasymaldary úshin avtokólik quraldarynyna ruqsatsyz jol júrýdi, sondaı-aq qos memlekettiń aýmaǵy boıynsha tranzıt sharalaryn bekitýge baǵyttalǵany aıtyldy.

Zań jobasy qabyldanǵan jaǵdaıda otandyq tasymaldaýshylar Eýropaǵa Belarýs aýmaǵy arqyly esh kedergisiz tasymaldy júzege asyra alady.

«Bul eń durys úderisterdiń bolyp tabylady, sebebi KO men BEK aıasynda ıntegratsııa júrip jatyr», - dedi J. Qasymbek.

Onyń sózine qaraǵanda, Hattama talaptaryn qoldaný óz kezeginde Qazaqstannyń kóliktik-tranzıttik damýyna oń yqpal etedi.

Budan buryn habarlanǵandaı, Belarýs halyqaralyq avtomobıl tasymaldaý salasynda Qazaqstan úshin asa mańyzdy. Eýropaǵa ótetin tranzıttiń 75 paıyzy Belarýs aýmaǵy arqyly jasalady. Sonymen qatar, Qazaqstan men Belarýs arasyndaǵy tasymaldardyń udaıy ósip kele jatqanyn eskersek, bul zań jobasynyń mańyzy zor.