Qazaqstan men Belarýs Prezıdentteri aradaǵy saıası-ekonomıkalyq baılanysty oń baǵalady
19:40, 30 Jeltoqsan 2019
NUR-SULTAN. QazAqparat - Memleket basshysy Belarýs Respýblıkasynyń Prezıdenti Aleksandr Lýkashenkomen telefon arqyly sóılesti, dep habarlaıdy QazAqparat Aqordanyń baspasóz qyzmetine silteme jasap.
Memleketter basshylary Qazaqstan men Belarýs arasyndaǵy saıası, ekonomıkalyq jáne mádenı-gýmanıtarlyq baılanystardyń damý qarqynyn oń baǵalap, ekijaqty yntymaqtastyq máselelerin talqylady.
Taraptar Belarýstiń 2020 jyly Eýrazııalyq ekonomıkalyq odaq uıymyna tóraǵalyq etýine baılanysty eýrazııalyq ıntegratsııa aıasyndaǵy ózara is-qımyldardy odan ári damytý jóninde pikir almasty.
Prezıdentter bir-birin Jańa jylmen quttyqtady. Qasym-Jomart Toqaev Aleksandr Lýkashenkoǵa jaýapty memlekettik qyzmette tabys, dostas belarýs halqyna baq-bereke tiledi.