Qazaqstan men Belarýs qurylys baǵasyn memlekettik deńgeıde salystyrady
11:15, 13 Shilde 2021
NUR-SULTAN. QazAqparat - Eki el qurylys obektileri qunyn salystyrýdyń memleketaralyq standartyn ázirleýdi josparlap otyr. Sondaı-aq, únemi qadaǵalanatyn jáne salystyrylatyn 100 baǵa quraýshy qurylys materıaly anyqtalady, dep habarlaıdy QazAqparat.
Indýstrııa jáne ınfraqurylymdyq damı mınıstrliginiń málimetinshe, jalpy baǵaǵa jasalatyn taldaý Qazaqstan men Belarýstiń birlesken qurylys jobalaryna qatysýy úshin qajet bolady.
Qazaq qurylys jáne sáýlet ǵylymı-zertteý jáne jobalaý ınstıtýtynyń («QazQSǴZI» AQ) Qurylystaǵy baǵa belgileý jónindegi respýblıkalyq ǵylymı-tehnıkalyq ortalyqpen (RǴTO, Belarýs) beınekonferentsııasy barysynda tıisti ýaǵdalastyqqa qol jetkizildi.
Eki uıym da memlekettik deńgeıde baǵa belgileý jáne aqparattyq modeldeý máselelerine jetekshilik etedi.
Sarapshylar Qazaqstan men Belarýstyń úlgilik jobalarǵa, tehnologııalyq kartalarǵa salystyrmaly taldaý júrgizýge, baǵa belgileý júıesin qalyptastyrý jáne aqparattyq modeldeýdi engizý tásilderin zerdeleýge kelisti.