Qazaqstan men Belarýs qaýipsizdik keńes apparattary keńeıtilgen josparly konsýltatsııa ótkizdi
Búgin Nur-Sultan qalasynda Qazaqstan Respýblıkasy men Belarýs Respýblıkasy qaýipsizdik keńesteriniń apparattary arasynda keńeıtilgen josparly konsýltatsııalar ótti.
Taraptar kezdesý barysynda qaýipsizdik pen osy saladaǵy ózara is-qımyldardyń ózekti máseleleri boıynsha pikir almasty.
Áskerı jáne áskerı-tehnıka salasyndaǵy yntymaqtastyqtyń perspektıvalary talqylandy, sondaı-aq kıberqaýipsizdik jáne basqa da baǵyttardaǵy jańa syn-qaterler qarastyryldy.
Koronavırýs pandemııasynyń álemde áli de jalǵasyp jatqanyn eskere otyryp, konsýltatsııanyń kún tártibine búgingi kúnniń talabyna oraı, bıologııalyq qaýipsizdikti basqarý júıesi týraly másele engizildi.
Sonymen qatar Qazaqstan men Belarýs tarapy Ulttyq qaýipsizdik táýekelderin baǵalaý jónindegi qyzmetti uıymdastyrýdyń óz tásilderin usyndy.
Jumys qorytyndysy boıynsha Prezıdenttiń Kómekshisi – Qaýipsizdik Keńesiniń hatshysy Áset Isekeshev pen Belarýs Respýblıkasy Qaýipsizdik Keńesiniń Memlekettik hatshysy Aleksandr Volfovıch eki eldiń Qaýipsizdik Keńesteri apparattarynyń arasyndaǵy 2022-2023 jyldarǵa arnalǵan yntymaqtastyq josparyna qol qoıdy.