Qazaqstan men Belarýs halyqaralyq arenada sporttyq jáne týrıstik áriptestikti damytady

<p>ASTANA. KAZINFORM &ndash; QR Týrızm jáne sport mınıstri Erbol Myrzabosynov 5-shi Dúnıejúzilik kóshpendiler oıyny aıasynda Belarýs Respýblıkasynyń Sport jáne týrızm mınıstriniń orynbasary Aleksandr Baraýlıamen kezdesip, halyqaralyq arenada sporttyq jáne týrıstik áriptestikti damytý týraly ózara pikir almasty.</p>

Kezdesý barysynda mınıstr Belarýs sportshylary kóshpendiler oıyndaryna qatysýǵa belsendilik tanytqanyn, sonymen qatar olar alysh, ashyrtmaly aba gıýreshı, kýrash jáne qazaq kúresinen qatysatynyn atap ótti.

Jıynda eki el naryǵynda týrıstik ónimderdi damytý máselelerine erekshe nazar aýdaryldy. Týrızm salasynda aqparat almasý múmkindikteri men týrısterdi tartý jáne týrızmdi damytý maqsatynda jyl saıynǵy is-sharalarǵa, kórmeler men konferentsııalarǵa qatysý máseleleri talqylandy.

Kezdesý sońynda mınıstr Belarýs delegatsııasyna 5-shi Dúnıejúzilik kóshpendiler oıyndarynyń ashylý saltanatyna qatysqany úshin alǵys bildirip, sport jáne týrızm salalaryndaǵy ózara tıimdi yntymaqtastyq úshin Qazaqstan men Belarýs arasyndaǵy strategııalyq áriptestiktiń mańyzyn atap ótti.