Qazaqstan men Belarýs ekonomıkalyq qylmystarmen kúresýde tájirıbe almasady

<p>ASTANA. KAZINFORM - Qarjy monıtorıngi agenttiginiń&nbsp; delegatsııasy Belarýs Memlekettik baqylaý komıtetiniń qarjylyq tergeý departamentinde boldy.</p>

Sapar barysynda Belarýs qarjy mılıtsııasynyń qyzmetkerleri ekonomıkalyq qylmystarda tsıfrlyq tólem quraldaryn paıdalanýmen kúresý tájirıbesimen bólisti.

Talqylanǵan máseleler qatarynda krıptovalıýtanyń zańsyz aınalymynyń jolyn kesý, sondaı-aq qylmystyq jolmen alynǵan vırtýaldy aktıvterdi anyqtaý jáne buǵattaý boıynsha problemalar da boldy.

Taraptar qazirgi jaǵdaıda ulttyq qaýipsizdikti qamtamasyz etý sharalary aıasynda barlyq elder úshin ekonomıkalyq qaýipsizdik birinshi orynda turǵanyn atap ótti.

Sonymen qatar, Belarýs qarjylyq tergeý organdary krıptovalıýtany paıdalanýǵa qatysty qylmystardy anyqtaýda Qazaqstannyń quqyq qorǵaý organdarymen yntymaqtastyqty keńeıtýge qyzyǵýshylyq tanytty.

Sapar barysynda qazaqstandyq delegatsııa Belarýs Tergeý komıtetiniń jetekshiligimen ótken «Tsıfrlyq aktıvterdi paıdalanatyn qylmystarmen kúres» atty halyqaralyq ǵylymı-tájirıbelik konferentsııaǵa qatysty.

Qazaqstandyq tarappen qatar Reseı Tergeý komıtetiniń jáne Іshki ister mınıstrliginiń, Rosfınmonıtorıngtiń, Ózbekstannyń Quqyq qorǵaý organdary akademııasynyń ókilderi – kıberqylmyspen kúres salasyndaǵy barlyǵy 100-den astam sarapshy qatysty.
Konferentsııanyń basty maqsaty – tsıfrlyq aktıvterdi paıdalana otyryp, qylmyspen kúresýdiń problemalyq máselelerin sheshýdiń ınnovatsııalyq ádisterin tájirıbelik qyzmetke engizý.

Konferentsııada tsıfrlyq aktıvterdi paıdalana otyryp qylmyspen kúresý teorııasy men tájirıbesindegi problemalyq máselelerdi taldaýǵa jáne olarmen tıimdirek kúresýdiń zańdy sheshimderin anyqtaýǵa erekshe nazar aýdaryldy.

Jumys kezdesýi nátıjesinde taraptar halyqaralyq tájirıbe krıptovalıýtanyń zańsyz aınalymyna jáne ekonomıkalyq qylmystardy jasaý úshin tsıfrlyq tólem quraldaryn paıdalanýǵa qarsy kúres sapasyn arttyrýǵa baǵyttalǵanyn erekshe atap ótti.