Qazaqstan men Belarýs arasyndaǵy áleýmettik-ekonomıkalyq yntymaqtastyq bekı tústi
"Qazaqstan Respýblıkasy men Belarýs Respýblıkasy arasyndaǵy 2026 jylǵa deıingi áleýmettik-ekonomıkalyq yntymaqtastyq týraly shartty bekitý týraly" Qazaqstan Respýblıkasynyń Prezıdenti Jarlyǵynyń jobasy týraly
Qazaqstan Respýblıkasy Úkimetiniń 2018 jylǵy 28 maýsymdaǵy № 384 qaýlysy
Qazaqstan Respýblıkasynyń Úkimeti QAÝLY ETEDІ:
"Qazaqstan Respýblıkasy men Belarýs Respýblıkasy arasyndaǵy 2026 jylǵa deıingi áleýmettik-ekonomıkalyq yntymaqtastyq týraly shartty bekitý týraly" Qazaqstan Respýblıkasynyń Prezıdenti Jarlyǵynyń jobasy Qazaqstan Respýblıkasy Prezıdentiniń qaraýyna engizilsin.
|
Qazaqstan Respýblıkasynyń |
B. Saǵyntaev |
Qazaqstan Respýblıkasy men Belarýs Respýblıkasy arasyndaǵy 2026 jylǵa deıingi áleýmettik-ekonomıkalyq yntymaqtastyq týraly shartty bekitý týraly
"Qazaqstan Respýblıkasynyń halyqaralyq sharttary týraly" 2005 jylǵy 30 mamyrdaǵy Qazaqstan Respýblıkasy Zańynyń 15-babynyń 1) tarmaqshasyna sáıkes QAÝLY ETEMІN:
1. Qosa berilip otyrǵan 2017 jylǵy 29 qarashada Mınskide jasalǵan Qazaqstan Respýblıkasy men Belarýs Respýblıkasy arasyndaǵy 2026 jylǵa deıingi áleýmettik-ekonomıkalyq yntymaqtastyq týraly shart bekitilsin.
2. Osy Jarlyq qol qoıylǵan kúninen bastap qoldanysqa engiziledi.
|
Qazaqstan Respýblıkasynyń |
N.Nazarbaev |
|
|
Qazaqstan Respýblıkasy |
|
|
BEKІTІLGEN |
Qazaqstan Respýblıkasy men Belarýs Respýblıkasy arasyndaǵy 2026 jylǵa deıingi áleýmettik-ekonomıkalyq yntymaqtastyq týraly ShART
Budan ári Taraptar dep atalatyn Qazaqstan Respýblıkasy jáne Belarýs Respýblıkasy
strategııalyq áriptestikti odan ári tereńdetýge umtyla otyryp, jalpy qabyldanǵan normalar men halyqaralyq quqyq qaǵıdattaryn basshylyqqa ala otyryp,
Qazaqstan Respýblıkasy men Belarýs Respýblıkasy arasynda saýda, ekonomıkalyq baılanystardy ulǵaıtý jáne ártaraptandyrý qajettiligin atap kórsete otyryp,
Qazaqstan Respýblıkasy men Belarýs Respýblıkasynda bar ekonomıkalyq, óndiristik, qarjylyq jáne basqa da múmkindikterdi neǵurlym tıimdi paıdalaný qajettigin sezine otyryp,
teń quqyqtyq jáne ózara tıimdi saýda-ekonomıkalyq jáne óndiristik qatynastardy odan ári nyǵaıtý men damytýda, olarǵa uzaq merzimdi jáne turaqty sıpat berýde, eki memlekettiń ekonomıkalyq jáne ǵylymı-tehnıkalyq áleýetin tıimdi paıdalanýda ózara múddeli bolýyn eskere otyryp, tómendegiler týraly kelisti:
1-bap
Taraptar osy Sharttyń ajyramas bóligi bolyp tabylatyn Qazaqstan Respýblıkasy men Belarýs Respýblıkasy arasyndaǵy 2026 jylǵa deıingi áleýmettik-ekonomıkalyq yntymaqtastyq týraly baǵdarlamany (budan ári - Baǵdarlama) iske asyrady.
2-bap
Baǵdarlamany iske asyrý barysymen baılanysty máselelerdi qaraýdy
Qazaqstan-Belarýs saýda-ekonomıkalyq yntymaqtastyq jónindegi úkimetaralyq komıssııa júzege asyrady.
3-bap
Taraptar eki memlekettiń ekonomıkalyq qatynastarynyń sharttyq- quqyqtyq bazasyn jetildirýge erekshe nazar aýdarady.
Taraptar kásipkerlik jáne ózge de sharýashylyq qyzmetti júzege asyrý, sondaı-aq ózara múddelilik bildirgen jobalardy iske asyrý úshin qolaıly ekonomıkalyq jaǵdaı jasaýǵa járdem kórsetedi.
Taraptar óziniń ulttyq zańnamasyna sáıkes jekeshelendirýge qatysýǵa járdem kórsetedi.
4-bap
Taraptar ózderiniń ekonomıkasyn ártaraptandyrý jáne olardy jańa tehnologııalyq negizge aýystyrý salalaryndaǵy ulttyq basymdyqtardy eskere otyryp, ekijaqty ekonomıkalyq, saýda, ǵylymı jáne tehnıkalyq baılanystardy damytady.
Taraptar ekonomıkanyń ártúrli salalarynda, eń aldymen ónerkásip jáne otyn-energetıka kesheninde, qurylysta, aýyl sharýashylyǵynda, týrızmde ózara tıimdi yntymaqtastyqty tereńdetedi.
Taraptar aýyl sharýashylyǵy ónimderin óndirý, qaıta óńdeý jáne eki memlekettiń naryqtaryna ilgeriletý, agrarlyq sektordyń ǵylymı uıymdary arasyndaǵy jan-jaqty baılanystardy tereńdetý salasyndaǵy yntymaqtastyqty keńeıtedi.
Taraptar ózderi júzege asyratyn áleýmettik-ekonomıkalyq túrlený salasynda yntymaqtastyq jasaıdy, óndiristik kooperatsııany damytady jáne birlesken óndiristik kásiporyndardy qurady.
Taraptar túbegeıli normalar men halyqaralyq quqyq qaǵıdattaryna súıene otyryp, ózderiniń syrtqy saýda jáne ekonomıkalyq saıasatyn júrgizedi.
5-bap
Osy Shartty iske asyrý barysynda týyndaıtyn kelispeýshilikter Taraptar arasyndaǵy kelissózder men konsýltatsııalar arqyly sheshiledi.
6-bap
Osy Sharttyń erejeleri ózderi qatysýshy bolyp tabylatyn basqa halyqaralyq sharttardan týyndaıtyn Taraptardyń quqyqtary men mindettemelerin qozǵamaıdy.
7-bap
Taraptardyń ózara kelisimi boıynsha osy Shartqa jeke hattamalarmen resimdeletin jáne osy Shart kúshine enýi úshin kózdelgen tártippen kúshine enetin, osy Kelisimniń ajyramas bóligi bolyp tabylatyn ózgerister men tolyqtyrýlar engize alady.
8-bap
Osy Shart onyń kúshine enýi úshin qajetti memleketishilik rásimderdi oryndaǵany týraly Taraptar sońǵy jazbasha habarlamany dıplomatııalyq arnalar arqyly alǵan kúnnen bastap kúshine enedi jáne 2026 jylǵy 31 jeltoqsanǵa deıin qoldanylady.
Osy Sharttyń qoldanysyn toqtatý Baǵdarlamaǵa sáıkes iske asyrylýy osy Shart qoldanysy kezeńinde bastalǵan jobalardyń júzege asyrylýyn qozǵamaıdy.
2017 jylǵy 29 qarashada Mınsk qalasynda árqaısysy qazaq jáne orys tilderinde eki tólnusqa danada jasaldy ári eki mátinde teń túpnusqaly jáne kúshi birdeı bolyp tabylady.
|
Qazaqstan Respýblıkasy |
Belarýs Respýblıkasy |
|
úshin |
úshin |
|
|
Qazaqstan Respýblıkasy men |
Qazaqstan Respýblıkasy men Belarýs Respýblıkasy arasyndaǵy 2026 jylǵa deıingi áleýmettik-ekonomıkalyq yntymaqtastyq týraly BAǴDARLAMA
I. Baǵdarlamanyń maqsattary men mindetteri
Osy Baǵdarlamany Qazaqstan Respýblıkasy men Belarýs Respýblıkasy (budan ári-Taraptar) eki memlekettiń arasyndaǵy ózara tıimdi ekonomıkalyq jáne ǵylymı-tehnıkalyq baılanystardy odan ári keńeıtý, ulttyq ekonomıka salalaryndaǵy óndiristik yntymaqtastyqta aıtarlyqtaı progreske jáne osy negizde ózara saýda aınalymynyń ósimine qol jetkizý jónindegi keshendi sharalardy júzege asyrý maqsatynda ázirledi.
Osy maqsattardy iske asyrý úshin osy Baǵdarlamada Qazaqstan Respýblıkasy men Belarýs Respýblıkasynyń memlekettik organdarynyń mynadaı negizgi baǵyttar boıynsha ózara is-qımyly kózdeledi: ekonomıkalyq ózara is-qımyl salasynda:
teń quqyqty jáne ózara tıimdi sharttarda saýda-ekonomıkalyq yntymaqtastyqty odan ári keńeıtý jáne ártaraptandyrý;
óndiristiń ósýi úshin ynta týdyrý, ǵylymnyń eń jańa jetistikteri men ozyq tehnologııalardy engizý, shyǵarylatyn ónimniń sapasy men básekege qabilettiligin arttyrý;
óndiristik kooperatsııalardy damytý, birlesken óndirister qurý jáne ekijaqty ekonomıkalyq jobalardy iske asyrý;
eki memleket aýmaǵynda ornalasqan sharýashylyq júrgizýshi sýbektilerge adal básekelestikke jaǵdaılar jasaý;
valıýta-qarjy salasyndaǵy yntymaqtastyqty damytý, qarjylyq naryqtar salasyndaǵy retteýdi úılestirý jáne qarjylyq naryqqa qatysýshylardyń ózara kirý ruqsatyn keńeıtý, baǵaly qaǵazdar naryǵynyń ınfraqurylymyn retteýdi jetildirý;
bırjalyq taýarlardyń ıntegratsııalanǵan naryǵyn qurý;
ınfraqurylymdyq jobalardy iske asyrýǵa, onyń ishinde strategııalyq tranzıttik áleýetti kúsheıtý maqsatynda birlesip qatysý;
ulttyq taýar óndirýshilerdiń ónimin jarnamalaý jáne taýarlardy ózara ilgeriletý maqsatynda saýda-ekonomıkalyq is-sharalardy (kórmeler, jármeńkeler, bıznes-forýmdar, iskerlik kezdesýler) turaqty ótkizý;
ekonomıkalyq yntymaqtastyq jobalary boıynsha ózara is-qımyl; ǵylymı-tehnıkalyq yntymaqtastyq jáne aqparattyq- kommýnıkatsııalyq tehnologııalar salasyndaǵy ózara tıimdi yntymaqtastyqty damytýda kúsh-jigerdi úılestirý;
atom energııasyn beıbit maqsatta paıdalaný salasyndaǵy yntymaqtastyqty damytý;
jańartylatyn energııa kózderi salasyndaǵy yntymaqtastyqty damytý;
ulttyq kompanııalardyń Batys Eýropa-Batys Qytaı baǵytyndaǵy kóliktik baǵdarlar qurylysyna jáne rekonstrýktsııasyna qatysý;
ǵaryshty beıbit maqsatta ıgerý salasyndaǵy birlesken baǵdarlamalar men jobalardy damytý;
ekonomıkany ártaraptandyrýdy jedeldetýge baǵyttalǵan ınnovatsııalyq yntymaqtastyqty damytý;
óndiristik kooperatsııalardy iske asyrý úshin quqyqtyq negizderdi qurý;
óńiraralyq yntymaqtastyqty, ınvestıtsııalar, shaǵyn jáne orta bıznes, jekeshelendirý salasyndaǵy yntymaqtastyqty damytý;
memlekettik múlikti jáne jekeshelendirýdi basqarý, memlekettik jer kadastryn júrgizý salasyndaǵy yntymaqtastyqty damytý;
tótenshe jaǵdaılardyń aldyn alý jáne joıý salasyndaǵy yntymaqtastyqty júzege asyrý;
tabıǵatty qorǵaý salasyndaǵy, ormandardy jáne sý resýrstaryn basqarý, ekologııalyq monıtorıng salasyndaǵy yntymaqtastyqty keńeıtý;
klımattyń ózgerýi saldarlaryn jeńildetý jáne klımattyń ózgerýine beıimdelý, tabıǵatty utymdy paıdalaný;
ózara múddelikti bildiretin saýda-ekonomıkalyq, sondaı-aq ǵylymı- tehnıkalyq sıpattaǵy ashyq aqparat almasý;
agroónerkásiptik keshen salasynda:
Taraptardyń agroónerkásiptik sektory uıymdarynyń arasynda tikeleı baılanysty jolǵa qoıý jáne tájirıbe almasý, onyń ishinde aýyl sharýashylyǵy ónimin óndirý, qaıta óndeý, saqtaý men ózara jetkizýdiń jańa tehnologııalaryn paıdalaný boıynsha yntymaqtastyqty keńeıtý;
agroónerkásiptik keshen problematıkasy boıynsha ǵylymı-tehnıkalyq yntymaqtastyq, onyń ishinde ǵylymı-zertteý jumystary salasyndaǵy jetistikter týraly aqparat almasý;
kólik jáne aqparattyq tehnologııalar salasynda:
qoldanystaǵy kólik dálizderiniń básekege qabilettiligin arttyrý úshin eki memlekettiń tıimdi geografııalyq ornalasýyn paıdalana otyryp, kóliktik-kommýnıkatsııalyq yntymaqtastyqty damytý;
jolaýshylar jáne júk tasymalyn damytý, Taraptardyń tranzıttik múmkindikterin tıimdi paıdalaný;
aqparattyq-kommýnıkatsııalyq tehnologııalar salasyndaǵy yntymaqtastyqty keńeıtý;
geoaqparattyq jáne jahandyq júıelerdi (QIS, GPS) paıdalaný salasynda tájirıbe almasý;
gýmanıtarlyq yntymaqtastyq salasynda:
gýmanıtarlyq yntymaqtastyqty nyǵaıtý men damytý, áleýmettik, mádenı jáne basqa salalarda ózara is-qımyl jónindegi sharalardy daıyndaý jáne iske asyrý;
bilim jáne mádenıet, sport jáne týrızm salasyndaǵy yntymaqtastyqty damytý;
eńbek, halyqty jumyspen qamtý jáne áleýmettik qorǵaý salasyndaǵy yntymaqtastyqty damytý;
densaýlyq saqtaý salasyndaǵy yntymaqtastyqty damytý;
kelisilgen mamandyqtar tizbesi boıynsha tıisti deńgeıdegi mamandardy daıarlaý, mamandarmen, ǵalymdarmen, aspıranttarmen jáne stýdenttermen ózara almasýdy keńeıtýge jáne damytýǵa járdemdesý;
zııatkerlik menshik salasyndaǵy ózara yntymaqtastyqty keńeıtý.
II. Ekonomıkalyq yntymaqtastyqty damytý
Taraptar arasyndaǵy saýda yntymaqtastyǵyn keńeıtý jáne tereńdetý kópjaqty jáne ekijaqty sharttyq mindettemeler sheńberinde tıimdi ózara is- qımyl, esep aıyrysý júıelerin jetildirý, Eýrazııalyq ekonomıkalyq odaq sheńberindegi mindettemelerdi eskere otyryp, tutastaı alǵanda syrtqy ekonomıkalyq qyzmetke qatysty ózara senim ahýalyn qurý arqyly júzege asyrylady.
Osy yntymaqtastyqtyń negizgi baǵyttaryna:
eki memlekettiń zańnamasyna sáıkes Taraptardyń sharýashylyq júrgizýshi sýbektileriniń Qazaqstan Respýblıkasy men Belarýs Respýblıkasynda obektilerdi jekeshelendirý baǵdarlamalaryna ózara qatysýyna járdemdesý;
salalyq jobalar men yntymaqtastyq baǵdarlamalaryn qalyptastyrý jáne iske asyrý jatady.
Eki memleket arasyndaǵy saýda qatynastaryn uıymdastyrý men júzege asyrý qajetti resmı statıstıkalyq aqparatpen belsendi almasýdy, birinshi kezekte, ózara saýda boıynsha derekterdi salystyryp tekserýdi bildiredi.
Osy Baǵdarlamany júzege asyrý protsesinde progressıvtik ónim túrlerin shyǵarýdy ulǵaıtýǵa, shıkizattyq resýrstardy tıimdi keshendi paıdalanýǵa baǵyttalǵan Qazaqstan Respýblıkasy men Belarýs Respýblıkasynyń sharýashylyq sýbektileri arasyndaǵy tikeleı baılanystardy nyǵaıtý men damytý jóninde pármendi sharalar qabyldanady.
III. Birlesken áleýmettik máselelerdi sheshý jónindegi is-sharalardy úılestirý
Osy Baǵdarlamany iske asyrý kezeńinde Taraptar densaýlyq saqtaý, mádenıet jáne óner, sport, jastar saıasaty, týrızm, eńbek, halyqty jumyspen qamtý jáne áleýmettik qorǵaý salasyndaǵy, sondaı-aq túrli salalar úshin joǵary bilikti kadrlar daıarlaý jáne mamandar, ǵalymdar, aspıranttar, taǵylymdamadan ótýshiler jáne stýdentter almasý salasyndaǵy ózara tıimdi yntymaqtastyqty damytýǵa nazar aýdarady.
Taraptar óńirlerdi áleýmettik-ekonomıkalyq damytý úshin qolaıly jaǵdaı jasaý maqsatynda Qazaqstan Respýblıkasy men Belarýs Respýblıkasy arasyndaǵy baılanysty nyǵaıtý jóninde sharalar qabyldaıdy.
IV. Baǵdarlamany iske asyrý tetigi
Osy Baǵdarlamany iske asyrý Qazaqstan Respýblıkasy men Belarýs Respýblıkasynyń memlekettik organdarynyń jáne sharýashylyq júrgizýshi sýbektileriniń osy Baǵdarlamada kózdelgen naqty is-qımyldardy oryndaýy arqyly júzege asyrylady.
Osy Baǵdarlamanyń iske asyrylý barysyn úılestirý men baqylaýdy Qazaqstan-Belarýs saýda-ekonomıkalyq yntymaqtastyq jónindegi úkimetaralyq komıssııa júzege asyrady.
Osy Baǵdarlamany iske asyrý maqsatynda Qazaqstan-Belarýs saýda- ekonomıkalyq yntymaqtastyq jónindegi úkimetaralyq komıssııanyń ulttyq bólikteriniń tóraǵalary Qazaqstan Respýblıkasy men Belarýs Respýblıkasy arasyndaǵy 2026 jylǵa deıingi áleýmettik-ekonomıkalyq yntymaqtastyq týraly shart kúshine engennen keıin Baǵdarlamany iske asyrý jónindegi is-sharalar josparyn bekitedi.
Osy Baǵdarlamany jáne is-sharalardy iske asyrýǵa baılanysty shyǵystardy qarjylandyrý Taraptardyń múddeli sharýashylyq júrgizý sýbektileriniń esebinen júzege asyrylady.