Qazaqstan men Belarýs aqparattyq qaýipsizdik salasyndaǵy tájirıbelerimen bólisti
Qazaqstan Respýblıkasy Prezıdentiniń kómekshisi – Qaýipsizdik Keńesiniń Hatshysy Qalmuhanbet Qasymov jáne Belarýs Respýblıkasy Qaýipsizdik Keńesiniń Memlekettik hatshysy Stanıslav Zas tóraǵalyq etken kelissózder barysynda eki memleket arasyndaǵy yntymaqtastyqtyń ózekti máseleleri talqylandy.
Taraptar álem jáne óńirlik qaýipsizdiktiń qazirgi ahýaly boıynsha pikirlerin bildirdi. Aqparattyq qaýipsizdik salasyndaǵy búgingi qaýip-qaterler jan-jaqty qozǵaldy. Taraptar osy saladaǵy tájirıbelerimen bólisti.
Eki memlekettiń aqparattyq qaýipsizdigin qamtamasyz etý maqsatynda áriptestiktiń tıimdiligin arttyrý boıynsha birlesken usynystar pysyqtaldy.
Sonymen qatar qonsýltatsııalar barysynda qorǵanys salasyndaǵy halyqaralyq yntymaqtastyqtyń ártúrli aspektileri jáne áskerı-tehnıkalyq ekijaqty ózara is-qımyldyń qazirgi jaǵdaıy men perspektıvalyq baǵyttary qaraldy
Budan basqa, 2020 jyly qańtar aıynan bastap Ujymdyq qaýipsizdik týraly shart uıymynyń Bas hatshysy laýazymyna S.Zastyń kirisýine baılanysty Belarýs Respýblıkasynyń tóraǵalyǵy sheńberinde osy halyqaralyq uıymynyń basym baǵyttary sóz boldy.
Jumys nátıjeleri boıynsha eki eldiń memlekettik organdaryna naqty tapsyrmalar berildi.
Qaýipsizdik keńesteriniń apparattary arasyndaǵy konsýltatsııalar qabyldanǵan yntymaqtastyq josparyna sáıkes turaqty negizinde jalǵasa bermek.