Qazaqstan men Bangladesh konsýldyq konsýltatsııa ótkizedi

NUR-SULTAN. QazAqparat - Qazaqstan men Bangladesh arasynda birinshi konsýldyq konsýltatsııa ótedi. Bul týraly QR Syrtqy ister mınıstrliginiń resmı ókili Aıbek Smadııarov aıtty, dep habarlaıdy QazAqparat tilshisi.

«Búgin Qazaqstan Respýblıkasy men Bangladesh Halyq Respýblıkasy arasynda alǵashqy konsýldyq konsýltatsııalar ótedi. Qazaqstandyq tarapty QR SІM Konsýldyq qyzmet departamentiniń dırektory Baýyrjan Aqataev, al Bangladesh delegatsııasyn Shyǵys Eýropa jáne TMD elderi departamentiniń bas dırektory Sıkder Bodyrazaman basqarady», - dedi Aıbek Smadııarov.

Onyń atap ótýinshe, taraptar dıplomatııalyq jáne qyzmettik/resmı pasporttardyń ıelerin vızalyq talaptardan bosatý týraly úkimetaralyq kelisimge tez arada qol qoıý arqyly ekijaqty formattaǵy ózara tıimdi yntymaqtastyqty nyǵaıtý máselelerin talqylaıdy.