Qazaqstan men BAÁ zańsyz alynǵan aktıvterdi qaıtarýǵa jasandy ıntellektini paıdalanady

<p>ASTANA. KAZINFORM &ndash; Qazaqstan Respýblıkasynyń Bas Prokýrory Berik Asylov Birikken Arab Ámirlikterine jumys saparymen baryp, onda BAÁ Ádilet mınıstri Abdýlla bın Sultan bın Aýad ál-Nýaımımen jáne osy eldiń Bas prokýrory Hamad Seıf ál-Shamsımen kezdesýler ótkizdi. Bul týraly Qazaqstan Respýblıkasynyń Bas prokýratýrasy habarlady.&nbsp;&nbsp;</p>

Áriptester vedomstvoaralyq yntymaqtastyqty keńeıtý jáne halyqaralyq qaýipsizdikti qamtamasyz etý máselelerin talqylady. 

Qazaqstannyń bas qadaǵalaý organynyń basshysy óz sózinde QR men BAÁ uqsas syn-qaterler men qaýipterge tap bolatynyn, sondyqtan qylmyspen kúres máselelerin birlesip sheshý, úzdik jumys tájirıbesimen únemi almasa otyryp, zamanaýı syn-qaterler men qaýipterge qarsy turý erekshe mańyzdy ekenin atap ótti. 

Foto: QR Bas prokýratýrasynyń baspasóz qyzmeti

Sapar nátıjesinde Qazaqstan Respýblıkasynyń Bas prokýratýrasy men BAÁ Ádilet mınıstrligi arasyndaǵy yntymaqtastyq baǵdarlamasyna qol qoıyldy.

Taraptar ony júzege asyrý qylmysqa qarsy kúres salasyndaǵy halyqaralyq yntymaqtastyqty odan ári nyǵaıta túsetinine senim bildirdi.