Qazaqstan men BAÁ sottalǵan tulǵalardy berý týraly ýaǵdalastyqqa qol jetkizdi

ASTANA. QazAqparat - Qazaqstan men Birikken Arab Ámirlikteri sottalǵan tulǵalardy ózara berý týraly ýaǵdalastyqqa qol jetkizdi. Sáıkesinshe qujat búgin Aqordada Elbasy Nursultan Nazarbaev pen Ábý Dabıdiń murager hanzadasy sheıh Muhammed ben Zaıd ál Nahaıannyń kelissózderinen keıin rásimdeldi, dep habarlaıdy QazAqparat tilshisi.

Qazaqstan men Birikken Arab Ámirlikteri arasynda sottalǵan tulǵalardy berý týraly shartqa QR Bas prokýrory Qaırat Qojamjarov pen BAÁ Ádilet mınıstri Sultan ben Saıd ál-Badı qol qoıdy. Shart sottalǵan tulǵalardy azamattyǵy bar memleketke jazasyn óteýge berý máseleleri boıynsha yntymaqtastyq úshin sharttyq-quqyqtyq baza qurýdy kózdeıdi.

Sondaı-aq QR Mádenıet jáne sport mınıstri Arystanbek Muhamedıuly men BAÁ Mádenıet jáne bilimdi damytý mınıstri Nýra bınt Muhammed ál-Kaabı eki mınıstrlik arasyndaǵy mádenı salasy yntymaqtastyǵy týraly kelisimdi bekitti. Bul qujat eki eldiń mádenı jáne óner salalaryndaǵy yntymaqtastyǵyn nyǵaıtýǵa baǵyttalǵan.

Al QR Aqparat jáne kommýnıkatsııalar mınıstri Dáýren Abaev pen BAÁ Syrtqy ister jónindegi memlekettik mınıstri Anýar ben Muhammed Gargash QR Aqparat jáne kommýnıkatsııalar mınıstrligi men «Saýab» deradıkalızatsııa jónindegi halyqaralyq ortalyǵy arasyndaǵy yntymaqtastyq týraly memorandýmdy rásimdegen bolatyn. Rásimdelgen qujat aqparattyq qaýipsizdik salasyndaǵy yntymaqtastyqty damytýdy qarastyrady.