Qazaqstan men Ázerbaıjan yqpaldastyǵyn odan ary nyǵaıtýǵa mol múmkindik bar - Toqaev
«Eń aldymen Ázerbaıjan Prezıdenti qurmetti Ilham Geıdaroǵlýǵa meniń shaqyrýymdy qabyl alyp, Qazaqstanǵa arnaıy saparmen kelgeni úshin zor alǵys aıtamyn. Bul sapar Sizdiń eki el arasyndaǵy yntymaqtastyqty odan ary nyǵaıtýǵa yqylasty ekenińizdi bildiredi. Men muny tolyq qoldaımyn. Qazaqstan men Ázerbaıdan ejelden dostyǵy berik, baýyrlas halyqtar. Bizdiń salt-dástúrimiz, mádenıetimiz, tilimiz ben dilimiz uqsas. Eń bastysy tarıhy tamyrlas elderimizdiń maqsaty men muraty ortaq. Sondyqtan búgingi sapardyń mańyzy erekshe», - dedi Memleket basshysy.
Prezıdent eki el arasyndaǵy baılanystar ózara senimge jáne qoldaýǵa negizdelgenin basa aıtty.
«ıAǵnı, ekijaqty yqpaldastyqty odan ary nyǵaıtýǵa mol múmkindik bar. Biz búgin shaǵyn jáne keńeıtilgen quramda mazmundy kelissóz ótkizdik. Saýda-ekonomıka, kólik-tranzıt, energetıka salalaryndaǵy qarym-qatynasty damytý máselesin talqyladyq. Sondaı-aq mádenı-gýmanıtarlyq baılanysty tereńdetýge qatysty birqatar kelisimge qol jetkizdik. Osy sapardyń nátıjeleri Qazaqstan men Ázerbaıjannyń qarym-qatynasyn jańa deńgeıge kóteredi dep senemin», - dedi Qasym-Jomart Toqaev.
Osyǵan deıin Ázerbaıjanda Qazaqstannyń mádenıet kúnderi ótetini habarlandy.