Qazaqstan men Ázerbaıjan ókilderi birqatar qujattarǵa qol qoıdy

BAKÝ. QazAqparat - QR Prezıdenti Nursultan Nazarbaevtyń Ázerbaıjanǵa jasaǵan resmı sapary aıasynda eki eldiń úkimetteri arasynda túrli salalar boıynsha birqatar qujattarǵa qol qoıyldy, dep habarlaıdy «QazAqparat» HAA-nyń Bakýdegi tilshisi.

Nursultan Nazarbaev pen Ilham Álıev Qazaqstan men Ázerbaıjan memleket basshylarynyń birlesken deklaratsııasyna qol qoıdy.

«QTJ» UK AQ men «ÁTJ» JAQ arasynda logıstıka men temirjol kóligi mashına jasaý salasyndaǵy strategııalyq yntymaqtastyq týraly kelisimge qol qoıyldy.

Eki eldiń syrtqy saıası vedomstvolary 2017-2018 jyldarǵa arnalǵan yntymaqtastyq baǵdarlamasyn rásimdedi.

Sonymen qatar, Tabys pen kapıtalǵa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly 1996 jyldyń 16 qyrkúıegindegi konventsııaǵa  ózgerister men tolyqtyrýlar engizý týraly QR jáne ÁR Úkimetteri arasyndaǵy arasyndaǵy hattamaǵa qol qoıyldy.

Sonymen qatar, karantın jáne ósimdikterdi qorǵaý salasyndaǵy yntymaqtastyq pen halyqaralyq avtomobıl qatynasy týraly kelisimder rásimdeldi.

Eske salaıyq, búgin Qazaqstan Prezıdentiniń Ázerbaıjandaǵy resmı sapary jalǵasýda.