Qazaqstan men Ázerbaıjan halyqaralyq arenada tabysty yntymaqtastyq júrgizýde

<p>Qazaqstan Respýblıkasynyń Ázerbaıjandaǵy Elshisi Álim Baıel men Ázerbaıjan Respýblıkasy Prezıdentiniń syrtqy saıasat máseleleri jónindegi Kómekshisi Hıkmet Gadjıev kezdesti, dep habarlaıdy &laquo;<a href="https://kaz.inform.kz/lenta/" target="_blank" rel="noopener">QazAqparat</a>&raquo; HAA menshikti tilshisi.</p>

Kezdesýde ekijaqty yntymaqtastyqtyń joǵary qarqyny qanaǵattanarlyqpen atalyp ótti. Taraptar, sondaı-aq, óńirlik jáne halyqaralyq kún tártibindegi ózekti máselelerdi talqylady. Osy rette kólik-logıstıkalyq yntymaqtastyq pen kommýnıkatsııalar taqyrybyna erekshe kóńil bólindi. Sondaı-aq, 2023 jylǵy 3 qarashada Astanada ótetin Túrki memleketteri uıymynyń 10-shy mereıtoılyq Sammıtiniń mańyzdylyǵyna nazar aýdaryldy.

Ázerbaıjan Prezıdentiniń Kómekshisi baýyrlas Qazaqstanǵa kórsetip otyrǵan qoldaýy, ekijaqty jáne kópjaqty qarym-qatynastardy damytý jáne óńirlik máselelerdi sheshý turǵysyndaǵy syndarly ustanymy úshin alǵys aıtty. Óz kezeginde, Elshi Á. Baıel Qazaqstannyń aımaqta beıbitshilik pen ózara tıimdi yntymaqtastyqty qoldaıtynyn atap ótti. Taraptar turaqty kezdesýlerdiń qalyptasqan tájirıbesin jalǵastyrýǵa kelisti.