Qazaqstan men Ázerbaıjan avtomobılmen jolaýshy tasymaldaý máselesin qarastyrady
Delegatsııalar 2017 jylǵy avtomobılmen tasymaldaý kólemi týraly málimettermen, arnaıy ruqsattamalardy paıdalaný aqparatymen almasyp, basqa da máselelerdi talqylady.
Qazaqstandyq jáne ázerbaıjandyq tasymaldaýshylar arasynda ruqsattamalardy paıdalaný tepe-teńdigi saqtalǵany aıtyldy. Úshinshi elderge tasymaldaýda ázerbaıjandyq tasymaldaýshylar basym bolsa, tranzıttik tasymaldaýda - qazaqstandyqtar basym. Eki el arasynda jolaýshylar tasymaly joq. Biraq delegatsııalar jolaýshylardy avtomobılmen tasymaldaý máselesin retteý qajettigi týyndaǵan jaǵdaıda qarastyrylatynyn atap ótti.
Eki el ekijaqty tasymaldar men tranzıttik júrip ótý úshin 2018 jylǵa 1 000 dana kóleminde ruqsattamalarmen aldyn ala almasý belgilendi. Úshinshi elderden ge 300 dana kólemindegi ruqsattama kelisilgen.