Qazaqstan men Ázerbaıjan arasynda birqatar mańyzdy qujatqa qol qoıylady
«Ázerbaıjan biz úshin tek senimdi ári mańyzdy seriktes qana emes, sonymen birge baýyrlas, jaqyn memleket. Sanǵasyrlyq dostyqtyń myzǵymas baılanysyna, ózara qoldaýǵa arqa súıeı otyryp, búginde strategııalyq seriktestik jáne odaqtastyq rýhynda damyp kele jatqan memleketaralyq tıimdi yntymaqtastyqty qalyptastyrdyq. Elder arasynda belsendi, senimdi saıası dıalog ornaǵan. Úkimettik deńgeıde úılesimdi jumys júrgizilip, kópjaqty alańdar aıasynda syndarly ózara is-qımyl júzege asyrylýda», - dedi Qasym-Jomart Toqaev.
Qazaqstan Prezıdenti eki memleket arasynda qomaqty sharttyq-quqyqtyq baza qalyptasqanyn, ıaǵnı 90-nan astam qujatqa qazirdiń ózinde qol qoıylǵanyn atap ótti.
«Ótken jyly biz strategııalyq ózara qarym-qatynasty nyǵaıtý jáne odaqtastyq ózara is-qımyldy tereńdetý týraly deklaratsııaǵa, sonymen qatar 2026 jylǵa deıin yntymaqtastyqty damytý keshendi baǵdarlamasyna qol qoıdyq. Búginde birqatar mańyzdy qujat qabyldanady»., - dedi Memleket basshysy.
Aıta keteıik, Qazaqstan men Ázerbaıjan Prezıdentteri shaǵyn quramda kelissóz júrgizdi.