Qazaqstan men Ázerbaıjan arasyndaǵy taýar aınalymy shamamen 40 paıyzǵa ósti

<p>ASTANA.KAZINFORM &mdash; Sońǵy 10 aıda Ázerbaıjannyń Qazaqstanmen taýar aınalymy 393 mıllıon 831 myń dollardy qurady, bul bir jyl burynǵydan 38,7 paıyzǵa (109,832 mıllıon dollarǵa ósim) kóp, dep habarlaıdy Kazinform agenttiginiń <a href="https://www.inform.kz/ru/pochti-na-40-virosla-torgovlya-mezhdu-kazahstanom-i-azerbaydzhanom-029eda" target="_blank" rel="noopener">menshikti</a> tilshisi.&nbsp;</p>

Esepti kezeńde Ázerbaıjannan Qazaqstanǵa eksport 23,2%-ǵa — 107 mln ​​747 myń dollarǵa deıin, al Qazaqstannan Ázerbaıjanǵa eksport 45,6%-ǵa — 286 mln dollarǵa deıin ósti.

Qazaqstannan Ázerbaıjanǵa negizgi eksporttyq taýarlar tústi metaldar, shıki munaı, munaı ónimderi, elektr qozǵaltqyshtary men qondyrǵylaryna arnalǵan bólshekter jáne t. b. Bul rette Qazaqstannan Ázerbaıjanǵa júk jáne jolaýshylar tasymaldaıtyn kemeler, mıneraldy sýlar, toqyma buıymdary, polıetılen, qurylys materıaldary, kókónister men jemister ákelinedi.

Aıta keteıik, 2023 jyly memleket basshylarynyń resmı saparlary barysynda Qazaqstan men Ázerbaıjan ózara saýda kólemin 1 mlrd dollarǵa deıin ulǵaıtý týraly kelisimge kelgen bolatyn.

TMD elderi arasynda Ázerbaıjanmen saýdada dástúrli túrde Reseı (3 mlrd 942 mln 426 myń dollar) jáne Belarýs (403 mln 960 myń dollar) kósh bastap tur. Bul rette Ázerbaıjan men Belarýs arasynda aıtarlyqtaı ósim baıqalady (47,7 paıyzǵa kóp), Reseı-Ázerbaıjan taýar aınalymynyń deńgeıi 14,5 paıyzǵa ósti.

Bul tizimniń alǵashqy úshtigin Qazaqstan aıaqtady. Ázerbaıjan Tájikstanmen eń az taýar aınalymyna ıe boldy, ol esepti kezeńde 5 mıllıon 177 myń dollardy qurady.

Jalpy, esepti kezeńde Ázerbaıjannyń TMD elderimen taýar aınalymy 9%-dan astamǵa ósti. Osylaısha, qańtar-qazan aılarynda Ázerbaıjan Respýblıkasy men Dostastyq elderi arasynda 5 mıllıard 701 mıllıon 706 myń dollardy quraǵan saýda operatsııalary júzege asty. Bul ótken jyldyń sáıkes kezeńimen salystyrǵanda 496 mıllıon 686 myń dollarǵa nemese 9,5 paıyzǵa artyq, dep habarlaıdy Memlekettik keden komıteti.

Buǵan deıin QazAqparat Ázerbaıjanǵa Ortalyq Azııa aımaǵynan keletin sheteldik týrıster sany boıynsha qazaqstandyqtar kósh bastap turǵanyn jazǵan bolatyn.