Qazaqstan men Aýǵanstan arasyndaǵy qarjy aǵyndarynyń monıtorıngi kúsheıtildi

NUR-SULTAN. QazAqparat - Qarjylyq monıtorıng agenttigi terrorızm men ekstremızmdi qarjylandyrýǵa qarsy is-qımyl jónindegi sharalar sheńberinde Qazaqstan men Aýǵanstan arasyndaǵy aqsha aǵynyna monıtorıngti kúsheıtti, dep habarlaıdy QazAqparat QR QMA baspasóz qyzmetine silteme jasap.

Bul týraly Agenttik tóraǵasy Janat Elımanov TMD-ǵa qatysýshy memleketterdiń QBB basshylarynyń qatysýymen ótken terrorızmdi qarjylandyrýǵa qarsy is-qımyl jónindegi jumys tobynyń otyrysynda málimdedi.

Aǵymdaǵy jyly Qazaqstannan Aýǵanstanǵa aqsha qarajatynyń aǵyny 68%-ǵa tómendegeni baıqalady.

Aqsha aýdarymdarynyń negizgi bóligi aldymen qajetti taýarlar eksportymen jáne kólik qyzmetterimen baılanysty.

Táýekelderdi azaıtý úshin Aýǵanstanmen barlyq aqsha aýdarymdaryna joǵary táýekel deńgeıi berildi.

Bul baǵytta elder arasynda aqsha qarajatyn aýdarýdy júzege asyratyn qarjylyq monıtorıng sýbektilerine baqylaý kúsheıtildi.