Qazaqstan men Armenııa arasyndaǵy reıster qaıta jandandy

NUR-SULTAN. QazAqparat - Armenııamen Nur-Sultan – Erevan jáne Aqtaý – Erevan baǵyttary boıynsha ár baǵyt boıynsha aptasyna 2 reıs jıilikpen reıster jańartyldy, dep habarlaıdy QazAqparat QR Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.

Máselen, 2021 jylǵy 25 maýsymnan bastap «SCAT» avıakompanııasy Aqtaý jáne Erevan qalalary arasynda CRJ-200 tıpti áýe kemesinde epıdemıologııalyq jaǵdaıdyń jaqsarýyna qaraı kezeń-kezeńimen ulǵaıta otyryp, aptasyna 1 reıs jıiligimen turaqty reısterdi oryndaýdy júzege asyrady.

Reısterdi qaıta bastaý Qazaqstan Respýblıkasynyń aýmaǵynda koronavırýs ınfektsııasynyń paıda bolýy men taralýyna jol bermeý jónindegi vedomstvoaralyq komıssııanyń 2021 jylǵy 16 maýsymdaǵy sheshimine sáıkes qabyldandy.

Reıster sanıtarlyq – epıdemıologııalyq talaptardy qatań saqtaı otyryp jáne áýekompanııa saıtynda jarııalanǵan kestege sáıkes oryndalatyn bolady.