Qazaqstan men Andorra týrızm salasynda tájirıbe almasady

NUR-SULTAN. QazAqparat – Qazaqstan men Andorra týrızm salasynda tájirıbe almasýǵa ýaǵdalasty. Bul týraly elimizge resmı saparmen kelgen Andorra Syrtqy ister mınıstri Marııa Ýbah aıtty, dep habarlaıdy QazAqparat tilshisi.

«Bul kún ekijaqty qarym-qatynasymyzdyń aıryqsha mańyzǵa ıe mejesine aınalady. 2008 jyldyń 30 qańtarynda eki eldiń arasynda dıplomatııalyq baılanys ornaǵan bolatyn. Kelesi jyl biz elderimiz arasyndaǵy ekijaqty qarym-qatynastyń 15 jyldyǵyn atap ótemiz», - dedi Andorra mınıstri QR Premer-Mınıstriniń orynbasary – Syrtqy ister mınıstri Muhtar Tileýberdimen kezdesýden keıin BAQ ókilderine arnalǵan brıfıng barysynda.

Marııa Ýbah Qazaqstanǵa sapary ekijaqty yntymaqtastyqty nyǵaıtýǵa tyń serpin beretinin basa aıtty. Sonymen qatar ol búgin qol qoıylǵan vızalyq talaptardan ózara bosatý týraly kelisimniń arqasynda ekijaqty baılanys arta túserine senim bildirdi.

«Osy kelisimniń arqasynda týrızm men bıznes esebinen ekijaqty qarym-qatynas arta túsetinine senim bildiremiz. Munan bólek, týrızm bolashaǵyn, barynsha turaqty týrıstik model qalyptastyrý maqsatynda tájirıbe almasý baǵytyndaǵy birlesken jumysymyzdyń mańyzdylyǵy talqyǵa saldyq», - dedi ol.