Qazaqstan men Albanııa qandaı salada yntymaqtastyqty damyta alady
Əńgimelesý barysynda taraptar saıası, saýda-ekonomıkalyq jəne mədenı-gýmanıtarlyq yntymaqtastyqtyń qazirgi jaı -kúıi men keleshegin talqylap, qandaıda bir saıası nemese ózge sıpattaǵy kelispeýshilikter joq ekendigine toqtalyp ótti. Qurylys, energetıka, aýyl sharýashylyǵy jəne týrızm yntymaqtastyqtyń perspektıvaly salalary qatarynda ataldy.
«Bizdiń elderimizdiń arasynda qandaıda bir saıası nemese ózge sıpattaǵy kelispeýshilikter joq. Albanııa Premer-Mınıstriniń 2014 jylǵy Qazaqstanǵa saparyn joǵary baǵalaımyz. Onyń aıasynda dostyq jáne ózara yntymaqtastyqty týraly deklaratsııaǵa qol qoıylǵan bolatyn. Árıne, saýda-ekonomıkalyq salada atqarar sharýa óte kóp. Óıtkeni, bul baǵyttaǵy baılanystarymyz nashar, taýar aınalymynyń kólemi tómen bolyp otyr», - dedi Gúlshara Ábdiqalyqova.
Memlekettik hatshy Qazaqstan Prezıdenti Nursultan Nazarbaevtyń halyqaralyq qaqtyǵystardy retteýdegi jeke úlesin, sonymen qatar taıaýda «Astana Club" otyrysynda jarııa etken bastamalaryn atap ótti.
G.Əbdiqalyqova alban delegatsııasyn Qazaqstanda bıznes júrgizýge qolaıly jaǵdaı jasalǵanyn, sonymen qatar «Astana» halyqaralyq qarjy ortalyǵy aıasynda yntymaqtastyq ornatý múmkindigi bar ekeni jóninde habardar etti. Qazaqstannyń Doing Business-2018 reıtıngi boıynsha 28-oryn alyp otyrǵanyn aıtty.
Sondaı-aq, Memlekettik hatshy albandyq seriktesterdi Nazarbaev Ýnıversıteti janyndaǵy «Astana Bıznes-Kampýs» ǵylymı parki aýmaǵynan ǵylymı-zertteý ınstıtýtyn ashý jumysy boıynsha yntymaqtastyq ornatýǵa shaqyrdy.
Kezdesý sońynda Memlekettik hatshy Albanııanyń Eýropalyq jəne syrtqy ister mınıstri Dıtmır Býshatıge ekijaqty yntymaqtastyqtyń odan əri jalǵasyn tabýy jolynda tabys tiledi.