Qazaqstan men AQSh syrtqy saıasat vedomstvolarynyń basshylary yntymaqtastyq perspektıvasyn talqylady

ASTANA. QazAqparat – QR Premer-Mınıstriniń orynbasary – Syrtqy ister mınıstri Muhtar Tileýberdi AQSh Memlekettik hatshysy Entonı Blınkenmen qos el arasyndaǵy yntymaqtastyqty odan ári damytýdyń keń aýqymdy máselelerin talqylady, dep habarlaıdy QazAqparat.

QR Syrtqy ister mınıstrliginen málim etkendeı, telefon arqyly suhbat Amerıka tarapynyń bastamasymen ótti.

«Kelissózder barysynda taraptar keńeıtilgen strategııalyq seriktestik rýhynda damyp kele jatqan Qazaqstan men AQSh arasyndaǵy ekijaqty jáne kópjaqty yntymaqtastyqty odan ári ilgeriletýdiń keń aýqymdy máselelerin, sondaı-aq halyqaralyq jáne óńirlik kún tártibindegi ózekti problematıkany talqylady.

M.Tileýberdi 2022 jylǵy 20 qarashada ótken prezıdent saılaýynyń qorytyndysy jóninde E.Blınkendi egjeı-tegjeıli habardar etip, Qazaqstan Prezıdenti Qasym-Jomart Toqaevtyń demokratııalyq reformalaryn Vashıngtonnyń qoldaıtynyn rastaǵan AQSh Memlekettik departamentiniń málimdemesi úshin alǵys aıtty», - delingen SІM málimetinde.

Foto: gov.kz