Qazaqstan men AQSh Prezıdentteriniń minezderi uqsaıdy - elshi Djordj Krol

ASTANA. QazAqparat - Qazaqstan Prezıdenti Nursultan Nazarbaev pen AQSh Prezıdenti Donald Tramptyń minezderi uqsaıdy. Bul týraly búgin Elbasy Nursultan Nazarbaevtyń Vashıngtonǵa resmı saparynyń qorytyndysyna oraı BAQ ókilderiniń saýalyna jaýap bergen AQSh-tyń Qazaqstandaǵy Tótenshe jáne ókiletti elshisi Djordj Krol aıtty, dep habarlaıdy QazAqparat.

«Sapar barynsha tabysty ótti. Ásirese Prezıdentter arasyndaǵy jeke baılanystar aıryqsha boldy dep sanaımyn. Kezdesýlerge qatysyp, olardyń dostyq peıilde ǵana emes adamı turǵyda da jaqyn bolǵanyn baıqadym. Bizdiń Prezıdentterimizdiń minezderi sáıkes keledi. Tramp Prezıdent Nazarbaevqa aıryqsha qurmet kórsetti. Árıne, olar bir-birimen qaljyńdasty da, jyly qabyldaý boldy. Munyń barlyǵy da baıqalyp turdy. Tipti áńgimelesýdiń ózi 1,5 saǵatqa sozyldy. Al keste boıynsha 45 mınýt ótýi tıis edi. Óıtkeni, áńgimelesý qyzyqty ótti. Aq úıden keıin vıtse-prezıdentpen ótken tańǵy as ta shaǵyn formatta dostyq peıildi boldy», - dedi Djord Krol.

Onyń atap ótýinshe, bul sapar eki eldiń Úkimetteri arasynda ǵana emes sonymen birge kóshbasshylary arasyndaǵy qarym-qatynasty damytýǵa tyń serpin beredi.

«Men úshin bul sapar elshiliktegi jumystyń kóp bolatyndyǵyn bilderedi. Árıne, Vashıngtondaǵy Qazaqstan elshiliginiń de jumys kólemi ulǵaıa túseri sózsiz», - dedi elshi.

Aıta keteıik, 17 qańtarda Aq úıde Qazaqstan Respýblıkasynyń Prezıdenti Nursultan Nazarbaev Amerıka Qurama Shtattarynyń Prezıdenti Donald Tramppen kezdesti. Kezdeýden keıin eki eldiń basshylary BAQ ókilderine bilesken málimdeme jasady.